電腦容量影響上綱速度

你好：如果版主所指容量係電腦硬碟既容量，咁理論上電腦容量大細係唔應該會影響上網既速度，除非你個硬碟空間細到俾上網時所需既緩衝空間都冇咁就真既會有影響，當然如果你既硬碟已經非常耐冇去清理垃圾同埋長期冇去做重組硬碟既工作，咁成個硬碟既檔案分佈得非常零散都會多少影響到既，因為當你上緊網既時候電腦每一次都會喺你既電腦放置暫存檔案，上得時間越長暫存檔案就越多，原本係用黎加快曾經瀏覽過既網頁，但由於太分散令到每次讀取時都需要用多咗搜尋時間，所以話呢種情況之下都係會有些少影響，不過始終影響都唔會太大，特別係而家既電腦速度以及電腦週邊配件既昇級可以彌補呢D影響；其實最大既影響因素主要來自：
一、上網既頻寬：如果你做咗個Plan上網得1MB咁任你使用邊種方法上網都係咁慢根本無計可施；相反如果個Plan係30MB咁上網既速度點慢極都有限。
二、電腦硬件埋週邊配備既直接影響：
1.顯示卡：如果你電腦既顯示卡效能太差可能導致上網時候網頁既顯示反應，因為今時今日既網頁大多數包含有多媒體因素（高質素畫面顯示以及影片瀏覽等）；
2.記憶體：如果你電腦既記憶體容量太細，咁電腦系統本身所需都唔夠用點可以令到上網暢順呢？
3.硬碟：硬碟本身上面已講過不再重覆，只係想提一樣，如果版主係經常性上網建議將系統既虛擬記憶體整大D對於上網既流暢會有所幫助。
註：以上純為個人意見僅提供俾版主參考。

其實peter已經答得很好,雖然對電腦初學者來說比較難理解。