鴨脷洲大街點去土瓜灣牛棚藝術村?

✔ 最佳答案

首先由鴨脷洲大街行去悅海華庭向海果邊搭街渡去香港仔大橋, 船費成人$1.8 。落船上岸後經行人隧道去香港仔巴士總站搭巴士。
第二程搭九巴/城巴107 華貴邨 - 九龍灣車費成人$11.1, 車程約30-40分鐘
落車地點: 馬頭涌道馬頭圍邨洋葵樓巴士站落車後向車頭方向行少少到交通燈位轉右過馬路, 行去工聯會果邊直行入馬頭角道, 步行約4-5分鐘就會到九龍土瓜灣馬頭角道63號牛棚藝術村。