請問跟團去旅行邊間好

要睇你去邊到？若果去日本就最好跟新華，因為佢地搞日本團算唔錯。北海道、本州、沖繩、大板金澤…我都跟過。真的唔錯﹗
唔好跟所謂專搞日本團既東瀛遊、 縱橫遊。因為東既領隊真係麻麻地，我都跟過佢地去九州、大板。至於縱就總是成唔到團…可能係我黑仔卦？
但如果去其他地方既話好似韓國、歐州、台灣就選永安。雖然團費較其他高，但品質確好過一般既旅行社。
都唔好跟康泰，佢地應該去泰國較出名。不過佢地似乎唔太重視旅客既安全…明知道某一些國家有豬流感或者動盪，佢地都照出團。人地永安一早就取消左團，因故及旅客既人生安全嘛…佢地唔到最危險都唔決定取消團。所以個人認為麻麻地。
若果去地中海、東歐、美加或歐洲可以選擇鐡行。但團費就當然貴過晒永安、康泰、星晨…。因為人地專搞呢點地方架。
若想平咁去歐州就跟學聯既巴士團啦﹗

永安旅遊....翠明旅遊....呢2間都好好...

服務好親切...D領隊導遊都好nice....

而且佢地真係識當地既文化....係真材實料...

新華不算好但也不差吧....但可能會有貨不對板既野..

有次跟團跟新華....個領隊兼導遊帶我地食扒...

佢講到D扒幾咁正幾咁好味....點知....

一去到...食野...發覺D野一D都唔好食...貨不對板咁...