想買匹半的窗口機, 買開利好不好?

1) 想買匹半的窗口機, 買開利（Carrier）好不好?
如果您係想買部匹半窗口機，本人就唔係好同意您買開利。雖然開利既冷氣機喺製冷量方面係做到好高水準；而且價錢上亦都比樂聲﹑日立等日本名牌子平好多；加上開利係美國牌子，鋼水都唔錯。不過開利既冷氣機之所以咁平，係因為開利同好多喺大陸做既冷氣機一樣都係格力（Gree）生產，先至會有咁平。但如果同格力比較，開利既價錢就顯得太貴。既然開利同格力都係同廠，使用既物料固然一樣，咁不如買格力，比開利平成千蚊有多！而且開利d冷氣機連冷凝器都係用番最舊款，用多幾年，好快就會生鏽，但格力d冷氣機反而都有藍鑽冷凝器！不過以我個人經驗，近年大陸出廠既冷氣機使用既內部零件，好多都唔會用得長。


2) 有沒有更好的提意? 其實想買部平平地, 慳電又不太易壞的冷氣機
既然要買冷氣機，就一定要買大牌子既冷氣先可以用得長久。以我個人經驗而言，我認為樂聲（Panasonic）係香港銷量四大冷氣品牌（樂聲﹑樂信﹑日立和珍寶）中最好既，運行時亦相對較靜，制冷量和抽濕力最高，又有信興保養，信心保證。不過就唔符合您要求既「平」，因為一部樂聲匹半機都要成4000幾蚊。想平平地既，可以買樂信（Rasonic）牌冷氣機，雖然同樂聲同廠，但起碼平樂聲200-500蚊不等，值得考慮。


3) 自己又想要有獨立抽濕的, 但又有人說那些較易壞,....點選擇好?
其實冷氣機本身已經有抽濕功能，如果您係想買d有獨立抽濕，姐係等同買部有搖控控制既冷氣機。講真，有電子搖控控制既窗口式冷氣機，係會比較易壞過傳統式，因為有太多電子機件控制，一旦電子控制板壞左，就好難整。而且窗口式冷氣機個出風口好細，如果要進行獨立抽濕係好食電。如果您一定要買部有獨立抽濕既冷氣機，不如索性買分體式冷氣機，個風口又大d，亦因為送風角度大，抽濕速度會快好多嫁。再唔係，如果您屋企唔係細，索性買部抽濕機好過。

開利係唔係CARRIE，咁我勸你都係唔好買，第一年冇事，第二年就唔凍，唔係壞，係咁架啦，跟住就有聲出，冇幾耐又冇咗把聲．

咁你話佢同美的大陸嘢有乜分別呢？

以前係因為租人屋住，咁業主係包冷氣嘅，舊嘅係二手嘅，咁捱到死咗，咁換新嘅點知業主貪平咪揾著我唻攪囉．

你自己諗諗啦，本身冷氣就已經係抽埋濕架啦，咁若你買部平又唔凍嘅嘢，不如正正經經買部經得起時間考驗仲好啦．