✔ 最佳答案
你唔好咁啦! 學咒語會害到人亦會害到自已架!
皆因咒語的源頭很難追索, 所以你會好難預料用咗咒語之後會發生乜嘢事 , 有啲人會每逄生日或鬼節都發燒, E啲已經係好少事, 有啲仲大獲, 精神分裂 , 所以你無論學任何咒語對你自已都有危險.
至於養鬼仔, 首先, 鬼仔是不能買現成的, 一定要自已一手一腳跟, 自已去偷嬰屍 , 自已去燒屍取油 , 仲要劏貓胎盤 , 手續繁多, 而且淨係數以上部份程序, 都知道係犯法架喇, 正如好似上次醫院咁, 唔見咗條嬰屍, 重案組都會接手處理, 仲炒咗個儉房技術員添, 其實條屍去咗邊, 點解儉房技術員要改記錄隱暪事實, 大家心照啦!
我以前都有個女朋友養過鬼仔, 我上到佢屋企先知道, 因為夜晚果陣我真係見到隻鬼仔, 之後我審咗佢好耐佢先肯認, 這樣我才明白點解以往佢咁好運, 點解佢有咁多同事和上司無厘頭受傷, 但係最後我同佢分手, 因為我無論點勸佢, 佢都唔肯放隻鬼仔去投胎, 重過新生, 我覺得佢內在美負晒分, 所以點都唔可以繼續接受佢.
當然, 仲有另一個原因, 就係隻鬼仔真係好猛, 而且非常妒忌我同我女朋友一齊, 我攞晒法器, 兼用盡以前學過既法術都居然保護唔到自已, 俾佢撻到腳都流晒血, 好彩我阿媽修為高, 仲有辦法制住隻鬼, 如果唔係, 可能我以經冇命.
所以, 我勸你都係唔好養鬼仔, 因為原來D鬼仔妒忌心好重, 如果你養鬼仔, 可能要孤獨終老, 而且, 你欠咗隻鬼仔, 令佢徒增惡業, 又擔誤佢投胎既前途, 你可能個心會一世都唔安樂.
可能份工對你好重要, 但係如果你真係同D人唔妥, 就好難做落去, 工作既野, 最緊要係夾到人既性格, 夾唔到都冇辦法, 其實你有冇考慮過放開自已, 做一D唔會同人有咁多衝突既工, 或者前途方面真係會差D, 但係我覺得做人過得開心先緊要 .
我自已都唔係讀果行, 做返果行, 咁樣前途就梗係會差D啦! 但係我試過做專業D, 發覺壓力之大, 難以承受, 所以我最後都係做D冇咁有前途, 但係可以令我開心過日子既工作, 正所謂, 或之你財富千萬, 都係訓一張床, 或之你權傾朝野, 都係食幾兩米, 着幾件衫, 不如賺少D, 開心D, 仲好啦, 我知你明我講乜.
2010-07-08 23:19:55 補充：
呀! 不如助養兒童啦! 善有善報嘛!
2010-07-09 14:59:54 補充：
棄聖絶智:
我一早知你唔係想收佢錢, 我承認我講咗咁多關於養鬼仔既嘢係我失言, 引發咗佢一D渴望.
樓主:
如果你有强烈復仇意識, 想他們有悲慘結局, 但係你又勤力, 又有禮貎, 並且覺得個世界變態, 忍無可忍, 好人有壞報, 壞人有好報, 咁樣, 我有一個心理學的大膽判斷, 你可能有亞士保加症.
2010-07-09 15:12:19 補充：
再致樓主:
就算是心理專家, 都唔會咁輕易斷症話人有病, 但係我見你對整個世界的適應不良, 已經到了極痛苦的程度, 而且你又有好多這個病的特徵, 所以我唯有博一博, 希望幫到你解決問題.
亞士保加症(下稱: 亞症)是一種遺傳病, 患者一出世就心智理論缺損, 簡單來說, 就是先天人際能力受損, 但智商水平由正常至天才都有, 原來我們人類的日常生活, 不是全憑俗稱IQ的能力去判斷做事, 還有與生俱來的人際能力, 但是亞症患者IQ雖高, 人際能力卻在弱能水平.
2010-07-09 15:19:00 補充：
再致樓主:
由於在生命的出發點, 已經與眾不同, 往後的心智發展, 就會與其他人相差更遠, 形成一個與社會整體價徝觀相差甚遠的心智, 亞症患者本身其實非常善良, 但社會不會接受他們的, 就好似外國的種族歧視一樣, 文化不同, 會有好大衝突, 嚴重者, 甚至會攪出人命.
但由於平均每1000人中, 就只有2人有這種病, 所以你到處被孤立對付, 我可以想像你由小至大, 有幾幸苦, 有幾大壓力同無奈.
2010-07-09 15:31:03 補充：
再致樓主:
我先講講我判斷你有此病的原因, 然後先同你講講點樣解決 (因為亞士保加症是一個比較深奧的病, 所以要灌輸好多基本概念之後先能夠入到解決問題的正題)
我判斷你有此病的原因:
(1) 全部公司同事都欺負你:
你人際能力不足, 會被人視為弱者.
跟據人類的特性, 當見到比自已弱小或處於困境的人, 會有可能觸發兩種以下情感的是旦一種, (一) 好想保護佢, (二) 好想欺負佢以獲得快感, 但當全間公司想欺負你的人多於想保護你的人時, 保護你的人就要明哲保身, 如果他們為你出頭, 就會俾人欺負埋一份, 所以這就令你處於只有人害你, 冇人幫你的困境.
2010-07-09 15:38:06 補充：
(2)你好想倚靠超自然力量解決問題:
一般人不會如此倚靠晒超自然方法, 因為到底此種方法唔係咁透明度高, 難以駕遇, 這證明你由小至大都培養不出解決人際問題的方法和技巧, 所以你才會這樣專注倚靠非自然的方法, 如果你繼續發展下去, 可能會有妄想症.
2010-07-09 15:45:49 補充：
(3) 你說了一些難以令社會接受的觀念, 居然還期望有人會幫你願望成真.
一般非心智能力缺損的人, 如果想說一些難以為社會接受的觀念, 會用匿名, 但是你沒有, 而且還期待着會有人對於邪術害人這些令社會難以接受的觀念予以接受和幫忙, 證明你仲未清楚我們這個社會的人的共同價徝觀和規範, 這除了可引證你可能有亞士保加症外(因為你沒法知道社會的想法), 更可說明點解你埋唔到堆, 仲要俾人假到難以保護自已咁慘.
2010-07-09 15:58:22 補充：
(4) 你會接受自已用邪術害人, 並且認為很正常, 你唔覺得自已兇狠.
這未必是你的錯, 因為亞症患者心智能力缺損, 不能將人看作是有活人心智的生物體來看待, 原來普通人能將人看作有活人心智的生物體來看待, 是予生俱來的覺察能力, 所以普通人認為殺人流血是件不道德的事, 但殺動物就覺得平常得多, 但是亞症患者沒有這種覺察力, 當看到人時, 會感覺是一具具會活動的傢俬, 所以亞症患者口中所說的殺人, 其實只是將討厭的傢俬死物除去, 他不會自覺這是在正常人眼中不道德的行為.
所以有些亞症患者的小孩, 經常口中都說想殺去某人, 除去某人, 和你分別不大.
2010-07-09 16:08:10 補充：
(5) 你容易激動, 做自已會後悔的事
亞症患者容易被人激親, 而且控制衝動的能力比一般人差, 就好似你話你已經就快崩潰, 即使我話俾你聽學咒語和養鬼仔的不良後果, 你依然想以此報復, 足見你激動得難以控制自已做自已會後悔的事.
(6) 你本身又勤力, 又有禮貎
你雖然只係自已讚自已, 但係我信, 因為亞症患者本身是完美主義者, 比一般人勤力, 比一般人有禮貎, 比一般人用心做事, 少詭詐, 天才科學家愛因思坦都係亞症患者.
2010-07-09 16:15:51 補充：
(7) 你太着重公平和公義
亞症患者對世界要求絶對公平, 但當你發覺原來這個世界好人有壞報, 壞人有好報, 你就會難以接受.
補充:
亞症患者欠缺了人類基本的一些感情, 例如可能他們沒有後悔或悲傷的情感, 不能感受周圍的氣氛, 包括節日氣氛, 沒有閒聊的能力, 只有互通訊息的能力, 有些人會失去很多快樂, 包括看電影, 看電視, 或旅行的樂趣, 是一種腦傷殘.
2010-07-09 16:19:58 補充：
(8) 過份高的道德標準
你的道德標準可能高過耶穌, 所以你覺得這個世界的人好邪惡, 大部份都應該死, 過高的道德標準亦是亞症的特徵, 而且你因為與眾不同, 你一定冇乜朋友, 所以你的人生路會比其他人難行好多, 你好辛苦.
2010-07-09 16:29:15 補充：
再致樓主:
解決方法:
你出世得太早, 政府現時的資源只發展到幫助患亞症的小孩, 成人服務真係有待發展, 此種病, 冇樂食, 成因未明, 亦未發明到醫治方法, 不過唔好灰心住, 因為仲有好多嘢可以幫到你, 以下分點詳述:
(1)改信仰:
首先, 我就算冒住被人猛烈評擊的風險, 都要講一句, 你唔好再信耶穌, 就一定對你有幫助, 因為亞症患者本能地希望世界公平, 如果在他的認知上, 世界是好人有壞報, 壞人有好報的話, 會令你極之痛苦同不安, 並傾向於想做世界的審判官, 替天行道, 可能會做出令自已後悔既事. 但是基督教就是這樣不公平的宗教,
2010-07-09 16:39:38 補充：
再致樓主:
續(1)改信仰:
基督教話人只得一世, 但係你又不斷咁見到世界唔公平既事, 所以你會痛苦, 如果你信佛教, 你會認為如有不報, 時間未到, 今生不報來生報, 咁你就會覺得世界公平好多, 唔係變態, 咁你就唔會覺得咁需要報仇, 你既怒氣會平息好多.
(2) 看多啲亞氏保加症(又叫亞斯伯格症)的書籍:
你唔知自已既特性和弱點, 就好難適應社會, 因為這個社會是專為正常的人設計的, 不是為亞症患者或有上種傾向的人設計的, 所以人地過得咁開心, 你過得咁慘, 既然先天不足, 唯有後天惡補. 亞氏保加症又叫亞斯伯格症, 而家D書局D書都用亞斯伯格症這個名命名此症.
2010-07-09 16:44:56 補充：
再致樓主:
續(2)看多啲亞斯伯格症的書籍:
對唔住, 市政局圖書館冇E種書, 你要去書局買, 有好多E類書都會教你點樣幫自已減壓和點樣適應社會.
(3) 睇多啲心理學書籍:
知道正常人想乜, 認同D乜, 都好重要, 而且亦對你認識自已有一定幫助.
2010-07-09 16:49:06 補充：
再致樓主:
你睇書一定要經常思考: 到底這些這些內容對我來說代表了什麼? 怎樣應用有什麼幫助? 我以往誤解了什麼所以令我身陷險境? 我應該合理地放底那些觀念與執着? 而應取而代之的觀念與執着又是什麼?
祝你可完滿解決對世界的適應問題.
