負片沖相的方法

1)菲林來講的話負片確實較普遍,你去買菲林如果冇講明店舖都係俾負片你.負片既好處係曝光寛容度比較高,即使影光咗都冇咁易爆,如果唔係差得太離譜,出相時都可以較翻啱,正片就係一般人講既幻燈片,色彩比較靚,可以用投影機將佢就咁放大來睇,但曝光寛容度同數碼一樣比較低,一影光咗可能就白晒乜都冇.
2)點為之keep住用負片影完既效果呢?要明白沖相同晒相係兩樣嘢.沖相只係將影咗既一捲捲菲林顯影,你得到既係一張張有圖像既菲林,負片係黑白掉轉,正片就係正常圖像.如果想晒相後都係好似負片咁黑白掉轉的話可能就要用Photoshop做負片效果先得.還是你係講近排好興既E沖C,搞到張相黃黃錄錄,光暗古古怪怪嗰種?
3)正片都要沖的,正如上面所講,會得到既係一張張有圖像既菲林,影完正片直接從菲林筒拉出來係唔得的,會令所有正片走光,白晒乜都冇.

2010-07-08 18:38:27 補充：
只係正常沖的話,唔駛特別聲明,晒相店係唔會特登做啲唔正常既嘢的.