如何能正常輕鬆自然與人溝通???

我係一個女仔, 由細到大大家都話我係一個唔多出聲既人, 而我都對此感到十分苦惱, 所以由中學開始發現此問題的我就一直都想改善此問題。

為了變得多說話, 我就開始試下大聲d講野(人地成日話我講野細聲), 但係之後我又發現唔知係咪因為要大聲d, 所以講野就好掘, 搞到唔知點解人地答我o個陣成日都好認真, 唔係好想同我講野。

仲有一個問題就係我同人既對話成日都好尷尬, 因為我本身自己表達能力又唔叻, 又成日詞窮, 搞到成日Dead air, 個對話一d都唔輕鬆。

其實我都有試過盡量講笑甘講, 但係唔知點解個氣氛都係好尷尬, 就好似有一次o個人地班房, 門口有人鎖住左, 我就企o係門口, 跟住有個男仔就開window, 之後我就講笑甘講: 你想跳window出去ar?, 但係個男仔就同之前一樣表情, 跟住DA我, 之後過左幾秒度門就開左~~~ 我以為甘樣都幾好笑架ar, 但係個男仔既反應打擊了我不少, 令我懷疑自己係咪真係甘嚴肅, 搞d gag 甘爛。

我其實都係好似想同其他學生一樣甘可以正常輕鬆甘同d老師, 同學, 新朋友溝通姐, 但係我好似無辦法可以做到, 可能係因為我表達能力差, 又可能主要係因為我同人無話題講, 又可能真係我個性格太過容易尷尬la, 唉

有冇人有同我相似既經歷or可以教下我可以點做ar? 我真係好想變得可以輕鬆自然甘同人講野 ~"~