被淋紅油追數,上門滋擾,公屋想申請調遷問題

債仔唔係你哋, 你哋只係無辜, 報警就一定要了,但其實報警警方亦只會叫你哋備案,然後叫你哋盡量搵你家姐出來, 佢哋會話欠債還錢天公地道, 但我好明白你哋, 又何嘗唔想搵到當事人出來一起面對事情呢, 但如果佢有心要避開你哋都幾難搵到佢, 跟住你哋可以去房屋署將情況詳細告訴房署, 要求申請調遷, 房署會同你哋安排的, (我有個朋友情況同你哋一樣, 都已經調咗), 但不是馬上, 必竟房署做嘢都要時間, 你預三至四個月到啦, (我朋友屋企就等咗三個月), 希望你哋早日成功調到屋, 唔洗日日提心吊膽.

咪報上去房屋處容乜易即刻叫你搬走呀,他們一定會咁做ga

煩住客的話即刻叫走,有人試過啦,告上房處話他們欠債要即走,貼紅紙呀

紅紙:此屋已經交回房處,任何人不得私自走入,

大耳窿實屬不法行為，但始終屬於你情我願情況下借貸，本人並非贊成大耳窿行為，但借錢不還亦應該知道會有什麼後果，大耳窿行為屬非法，無可能堂堂正正以正式法律向債仔追債，大耳窿行為雖然兇殘令人髮指，但亦可以說無銀行可借而可奈何之下紓解當時財政上燃眉之急，某程度上理解大耳窿追債行為 (並非表示我認同) ，反而不明白債仔借錢不還而大條道理說大耳窿無良，又要向警方報案。當然你身為債仔家人，實屬無辜受害者，家姐更是不顧親人死活，揚翔而去，你的情況，除報警外，暫時祇可寄居朋友家暫避，並非有意揶揄你，萬事有因必有果，賭博衍生的種種禍害於此可見一班；相信房署不會接受因避債而配予調遷，如果房署同意調遷，你有沒有考慮到下手住客是否有機會成為無辜受害者，此舉有點延續你家姐自私行為，政府有責任維持治安，也有責任讓居者有其居所，但自己或家人做錯事，就應該自己想辦法解決，不是樣樣事情都將責任推給公眾。報警、暫避、或找朋友、找社會褔利處商量是目前可行的方法。

你可以先去報警然後就去房署申請調屋,咁樣就會快D

因為你屋企人借錢唔還,仲一走了之,咁你又諗又一走了之,公屋唔係你屋企人惹咗麻煩,佢就要比個第二個單位哋走人,乜事都唔知,咁唔係房委會職責,又唔係佢哋能力範圍.

件事係你哋應該報警,由警方處理,你哋亦應該揾你家姐,唔係佢自己冇事,就連累你哋,呢件事係個人及家庭嘅問題,你亦應交警方處理.

至於房委會,好對唔住,佢哋的確係唔受理,你要明白每個政府部門的角色及處理問題應該同邊個部門講,又唔係私樓,你屋企乃咗嘢,你哋話唔租走人就算,明冇?