DIY 換家中玻璃窗

如果你家中係用鋁窗的話，可按照以下步驟：

1. 首先將向室內嘅玻璃唧膠用界刀界開，再用薄縲絲批將鋁窗四條圍邊起咗出嚟，咁你就可以見晒成塊玻璃。呢個時候慢慢用界刀界開向室外嘅玻璃唧膠，定後可以慢慢將玻璃取走。

2. 用尺度一度新玻璃尺寸，一般都都係由一邊度到另一邊然後每邊減 1cm，呢個就係要買嘅尺寸。唔熟手千其唔好自己嘗試界玻璃，係非常危險架，比佢界親就非同小可。好多時會界到手腕動脈。

3. 到店舖買玻璃時順便買埋玻璃唧膠同唧鎗。勞工手套唔少得，因為舖頭界完件玻璃一定唔會幫你車邊，一旦 “扇” 手就不堪設想。

4. 生手就最好搵多個人幫手，免得玻璃跌落街。要令整件玻璃可以在窗框嘅中間位置，可以喺係玻璃嘅底部加 d 嘢將佢托起。

5. 放上玻璃前先喺內框唧上玻璃膠，之後就可以小心咁將件玻璃拍埋框度並固定，最好四邊都加 d 嘢頂實塊玻璃，免得佢離開玻璃膠。等玻璃膠乾透就可以安回四條圍邊，之後再唧玻璃膠封邊就完成。如果趕時間，可以唔使等第一次玻璃膠乾透都一樣可以安回四條圍邊同唧膠，不過就要好肯定第一次嘅唧膠妥當冇空位比雨水走入屋。

我都係識皮毛咋.

就係先去度尺寸,然後去賣玻璃舖頭買啱尺寸嘅窗玻璃,注意要度清楚玻璃厚度,咁然後去五金舖買把介玻璃介刀,唔啱介到啱,仲有買支玻璃嘅玻璃膠同支槍.

你要注意係唔熟手嘅人會支多或少,介玻璃要兩個人托起玻璃放好位置,小心玻璃介到手,最好係買勞工手套做啦,咁之後要度好尺寸唔好介多或介太少,之後就係兩個人一齊逗起支玻璃膠,唔好支到出哂唻,又唔好支到多得濟.

完工最好等一個工作天,先試有冇漏水,有嘅就再支玻璃膠,冇嘅就完成格啦.

呢啲咁粗重嘅工作,如果你係覺成本高同問題多多,都係揾師父做啦.