產後自己坐月應該注意什麼?

如果坐月要自己湊BB，真係好辛苦架，若果期間你遇到有咩唔開心，太辛苦太攰，一定要搵個人傾下計，如果唔係好易有產後抑鬱架
坐月期間最好都唔好洗頭沖涼，雖然好多西醫都話唔怕，不過唔怕一萬只怕萬一，我舅母就係因為坐月期間洗過一次頭同沖涼，而家成日打風落雨都頭痛同周身痛。
煲薑水抹身係最好既辦法，要係密不透風既房到，好快咁用熱既薑水抹身同抹頭，跟住又要好快咁抹乾淨個身，如果唔係好易會入風架。所以最好就生之前剪短頭髮，咁就冇咁麻煩喇。而且抹身都唔好抹咁多次，屋企有開冷氣既話，而你又頂得順，坐月期間2-3次就夠喇，如果唔係用薑水都冇用

提埋你，坊間有D乾洗劑比你噴落頭髮到，捽完就好似洗左咁。請你千其唔好試！！真係一D都唔好用，噴左仲衰過冇噴，越噴越痕，仲整到周圍好多白粉添呀！
坐月期間食D咩都對你好有影響，最正氣就食菜心+梅菜肉餅+白飯。如果有人可以幫你買餸番黎既話，可以叫佢去街市買D材料番黎，甚至洗乾淨，蒸同烚既自己做都好快架姐，最緊要係清淡D。但係冇人幫到你買餸既話都要食微波腦野食架啦，唔通餓成個月咩，不過就要選擇d冇咁油膩架啦。跟住個網站係我上網搵到既坐月時候既食譜，可以做過參考 http://www.dadupo.com.tw/food%20m/food.top.htm
有D人會食五更飯，傳統黎計係五點食既，原意係清晨時份食飯會吸收好d同會多人奶d。不過有人幫手湊bb可以食完飯再訓就話姐，要自己湊既話，有得訓仲唔拿拿聲訓咩，若果bb岩岩果段時間起左身既就可以煮黎食囉，如果唔係真係唔一定要食。食既話最簡單就可以放d雞，薑絲係飯面蒸(可以加多粒去核紅棗)，之後熟左就可以食架喇
如果你會餵人奶既話唔能夠太補，補得濟bb會好燥熱。係惡露完左之後可以開始食，有薑醋既就一日食一碗仔，如果有其他補酒都可以餐與餐之間進食如果要掂水喉水，最好都帶手套，你自己湊就一定要自己洗奶樽，洗衫，同bb沖涼。沖涼用熱水都邋可以，但洗奶樽同衫就要帶手套喇。盡量儲到一定量份先洗，咁你就可以抽時間休息下

另外若果你經濟許可，可以請個鐘點，幫你處理家居清潔既問題，佢幫你做咁D家務，洗左D BB衫同奶樽，你都舒服好多架喇！

1, 飲水,吃東西一定要坐著. 不要食直腸.
2. 洗頭一定要先用羌煲水洗頭. 要熱水沖涼.
3. 千萬不要在下雨日子出街, 因會弄濕身體.
4. 儘量多休息, 放開心情.

我建就議你去這個網吧

http://baby.esdlife.com/features/dama-mothercare-video-08.php