邊到有KAT-TUN野買?!

其實要買Kat-Tun o既野都係去番旺角買好，因為果度比較多店舖，做比較都方便o的。
旺角信和中心就最多野買，你講果三樣野都有。
書就未必係本本有佢地，除非買Fans Book。
書o既話大多數都係雜誌，「duet」、「POTATO」、「Wink up」、「Myojo」、「ポポロ」、「オリ★スタ」呢幾本雜誌差唔多期期都有佢地。

其實買雜誌會唔會怪左少少?
或者你可以買CD。
如果係Single，就可以買5月12號出o既「Going!」；如果係買Album，就可以買6月16號出o既「NO MORE PAIИ」。
不過你最好問下朋友仔有冇呢兩隻碟。
如果佢有，你可以問下佢係咪初回盤同通常盤都有，如果佢得通常盤，你可以買初回盤俾佢，因為初回盤會送通常盤冇o既野。

買CD o既話，就建議你去【SKY MUSIC】，信和一入門口，上電梯去二樓，一見到果間就係啦。因為佢比較平。買雜誌o既話，就要去【宇宙船】(旺角同銅鑼灣都有分店，仲有其他地方)，或者可以去【銅鑼灣地帶】o既知樂館，佢可以訂或者買，不過我諗大多數都係訂。佢比【宇宙船】同【旭屋書店】平，因為佢九算，即係9蚊港幣對100円。

希望幫到你。^_^