其實韓戰係唔係中國人的錯呢?(請steve兄回)

樓主既問題係永遠拗唔完既千古奇謎，既然樓主點名要小弟回應，我當然會講幾句。

我唔想講到太長篇大論，其實我覺得呢個問題好簡單，如果中國唔參力韓戰會點﹖唔駛問梗係北韓被滅，然後兩韓係美國控制下統一成為一個強大既國家，而且保証有美國駐軍。有美國駐軍唔一定有問題，但有無問題係美國人話既，佢一有咩唔順超，即時侵略中國東北，而且仲可以大搖大擺由陸路入侵，因為一向入侵中國都係由此去。中美雙方實力差距何止十萬八千里，若美國人於朝鮮半島細心經營一、兩代，到時精銳美國大軍隨時都可以入侵，貧弱既中國根本無可檔。

當然有唔少朋友反對小弟既觀點，好多人都會話美國未必一定有入侵中國既意圖，或美國打中國根本唔需要由陸路入侵，坦白講呢啲全部都係正確既觀點。只係大家唔好忘記一件事，韓戰之後美國直接由陸路入侵中國既機會變成幾近於零，若要打中國必須使用效率唔高既間接手段。若任由美軍駐紮於國門外，無錯佢地未必入侵，但到時是否入侵中國就變成由美國人話事，中國只有被動回應，而且可以話保證必敗，點解要比美國人呢個機會﹖

搭單講多樣野，近年中國陸軍係機械化方面有長足進步，作為中國人當然開心。但有口痕友話中國陸軍勁無用，因為根本無用武之地。我覺得呢啲人都唔知自己講緊乜，唔通我地真係好想中國新銳機械化陸軍有用武之地﹖就係因為幾十年前解放軍一眾先烈既犧牲，令我地無需時刻為可能來自朝鮮半島既入侵做準備。而且古語有云“養兵千日，用在一朝”，其實中國陸軍既機械程度仍然有限，即使近年有大進步唔代表就已經足夠，甚至勁串話無用。相反中國陸軍必須係現代化上繼續咬緊牙關加把勁，因為北方俄國已決定大力整頓軍力，若然成功將來既俄國陸軍雖然規模會細左，但戰力將會有進步。另外，印度及其他非傳統敵對勢力對中國仍有威脅，中國國防軍必須繼續努力現代化先至可以有效保護中國之利益。

另外，近來小弟發現左一本講韓戰幾好既書，叫《韓戰 : 抗美援朝》，係由台灣既知兵堂出版社出版。此書係極少有詳細比較中美雙方有關韓戰文件既書，而且本書非常詳細地介紹解放軍於此戰打得最好既長津湖戰役，全文圖文並茂，尤其係地圖非常詳細，令大家可以好容易跟進雙方之部署及發展，對韓戰有興趣既朋友可以去公共圖書館借呢本書。

2010-07-05 18:48:03 補充：
樓下周小朋友，你係政治版係人都知你無知，你係一度衰就算啦，仲乜踩過界比多啲人睇到你既無知﹖你知道解放軍係韓戰既傷亡﹖如果你唔知唔該你收聲。仲有，你連民主係乜都唔知，唔好獻醜係呢度講啲你肯定唔識既軍事知識。

2010-07-05 18:53:02 補充：
想矯正樓主一個觀念，雖然解放軍係韓戰既傷亡眾說紛紜，但一般只介乎最低既十幾萬至最極端既五十萬之間，從來未有數字話解放軍傷亡達百萬之眾。韓戰中國軍隊比大家傷亡好高既感覺係因為實際上解放軍既傷亡的確比美軍高好多，美軍於此戰只傷亡只有數萬，相比起解放軍幾十萬傷亡，自然感覺好好多。

第一、毛澤東賤視中國人的生命，死多少人，他都覺得無關緊要。

第二、中國人專做蠢事，這是中國人的「基因」問題，冇得救。