唉，唔舒服左成個幾禮拜喇！個胃想點？

話說小弟6月22澳門旅遊回來時應該係食得太飽加上本身已經唔太搭得船
所以嘔左唔少野，跟住就覺得好似未嘔得哂咁，但又好肚餓咁喎
咁咪去食左好多野，跟住之後食果陣痛左兩下，唔知係咪個胃

之後第二日係屋企，頭痛痛、喉嚨痛加上個人又好似成個肚頂住頂住咁想嘔想嘔好多氣…
因為之前未試過咁，又唔知咩事，但平時都係病下就由得佢等佢好，所以冇理
但到左25/6倒，發覺唔係路，之前以為熱氣飲清熱酷都冇用
後來個頭痛到爆就去睇急症，打左針比左d胃藥水、藥丸但冇頭痛就冇食
阿媽之後果日就帶我去睇中醫，佢話我濕熱，我食左兩劑都仲係覺得成身氣頂住頂住咁

結果30/6急症覆診我就開始食d中和胃酸水同止嘔藥
食左幾日好好多，但尋晚去睇波坐巴士竟然覺得個肚好似坐船咁，唔係好頂得順
到家果陣想嘔野出泥但我冇嘔，今朝起身又回復番成身慶口乾乾有股氣咁
唉也，成世仔都未試過咁…
咩料，點解會個胃差唔多兩個禮拜都未好，而家一停d藥就又有胃氣，真係衰

P.S.
之前係未試過有咁的問題，自從暈船浪回來就係咁
之前睇醫生話我未清哂個胃的野，唔通呢兩日太快食太多野加上未好得哂就舟車勞頓出事？
冇腹瀉、冇黑便，但睡醒身體就有d發熱同成日囗乾的問題