Subwoofer 輸入

單純講輸入方式的話,Subwoofer有有源及無源兩種.無源是比較舊式的設計,輸入位係要接喇叭線,Line in通常係指呢種,不用接電源,係靠擴音機好似推其他喇叭咁俾電推動佢的.由於咁樣擴音機負荷好大,後來就有了有源的設計,輸入只有RCA,要接電源,擴音機單純俾訊號就得.當然有啲subwoofer係有晒兩種輸入.
近期既擴音機,除非係好貴嗰啲,一般已經不支援無源subwoofer,你要檢查清楚你部擴音機有甚麼subwoofer輸出先好買.
150呎地方我覺得有十吋單元都夠,當然有12吋更好.比較大路既可以揀低音反射式,即係有一個碟形單元及出氣孔嗰種.密封式雖然反應較快,但音壓冇咁大,可能要用到12吋或者15吋單元既,而且價錢一般比較貴.
至於單元方向,主要有向地及向前兩種,個人建議向前既比較好,向地既雖然可以借咗地板加高音壓.但地心吸力加重咗subwoofer負擔,一般來講反應較慢,冇咁爽.