中三選科的問題 ??? 邊一科最悉合自己 ?

我係今年會考生
我唔認同你選化學
因為你選嘅科都係較文科
讀化學係好辛苦,唔好諗住理科野唔洗背,
其實化學都好多野背(背嘅多數係D符號,化學名詞),
而且化學要需要平衡化學式,計mol數,濃度
如果你math最差就唔好選!!

其實我覺得你選科應該選D你最有把握考得好嘅科目or有興趣
如果你第時唔係要做D好專業人士嘅職業(醫生,律師),可以就自己鍾意來選科,
因為只要你考得好,大學咩科都會要你(專業人士以外科目)
你選大學時再依照你想做嘅職業選科

以上只是本人的看法

如果你想做護士，最好讀埋bio，不過其實都唔緊要的，文科一樣可以讀護士課程，睇你都係偏好文科，中史歷史邊一科其實照住你的興趣揀就得，因為老實講even你大學讀歷史系，出到來都好少工作會同呢科有關，除左教書之外好多人最後都係做d同自己讀個科無關的工作，你而家先中三唔駛諗咁遠住，大學選科先再諗配合將來工作啦。

我無讀過會計，但肯定都要計數啦，不過應該同maths個種唔同掛。