慘爆﹗被同一人放了五次飛機!!!!!!

希望各位耐心地看完我的可憐史......

慘況好下﹕
第一次﹕約我游水，由1點崔我崔到3點，明明約好3點先行，跟住我去佢屋企，佢同我講話佢冇泳褲!!!!!，要我同佢落商場買，去到體育店，有條30幾蚊幾唔買，偏偏買左條80幾蚊幾泳褲，跟住同我講話佢唔夠錢，借左我1舊水買，買完之後出到去有少少毛毛雨，佢就極力話唔去，話咩"落雨游水好唔舒服嫁，我試過喇，下次先去啦，還掂鼠假咁長時間。"結果就失望而回(佢一D都唔失望囉，睇佢好似預左去唔成咁)，佢番到屋企係msn add我叫我玩CSO !!!???唉~(個1舊水我崔左佢3日先還番比我，話"遲D先啦"﹑"阿媽唔比帶咁多錢番學"。，唉)

第二次﹕第二日，佢又約我游水，佢話1點黎我屋企打機，打到3點先去游，咁我咪比佢黎囉，打下打下，3點喇，佢同我講"吓，咁快就去游水喇，不如今日唔好游啦，又熱又曬(熱唔游唔通等凍先黎游-.-?) 同埋今日係假期，實好多人啦，咁多人邊度游得舒服嫁(關咩事呀=.=||?)，下次等平日(星期一至五)先游啦，還掂鼠假咁長時間。到左平日，佢同我講話如果平日去游會見番佢以前d游水同學，佢唔想比佢地見到佢d豬南肉......(我已經勁嬲佢...)

第三次﹕番到學校佢又走果黎，"今日去游水law" 我唔采佢，佢又係度aum aum尋尋，跟住佢仲話要黎我度打機之後再去游喎，我梗係唔比啦，佢就話幫佢裝個遊戲係佢屋企，咁就唔洗黎我度咁煩!!!(唉)，我就話，你唔同我去游水我就唔幫你，佢就話"唔啊，我要裝左先" 我唔制，佢就極乞人憎咁話:"好丫，咁唔好游囉，係你自己話唔游嫁咋，ok咁唔游喇"跟住仲要走埋d同學庋話，"唔洗理佢，下年都唔同佢(我)一班嫁啦"(我真係勁想攞個鎚鏗爆佢個7頭)

第四次﹕第二個同學約我去唱k(佢唔係D放飛機既人同埋佢勁憎人放飛機，上次我因為某D原因話左去之後又話唔去，結果比佢鬧，勁嬲)，咁呢個同學又約埋果個放飛機既同學(佢唔知佢D衰野)去，唔放飛機既同學仲約左d女仔去，咁我想搵果個放飛機同學陪我一齊去，等冇咁驚(唔知點解同d女仔一齊去街總係有d唔自然)，到果日，朝早八點幾，唔放飛機既同學call我同叫我call放飛機同學，我去左約左幾地點搵哂d人，之後打極都打唔通，跟住佢老母send左個sms黎，話個放飛機怪 "SICK" 喎(出動埋家長，你話佢丫...唉) 之後佢打黎親自同我講，聽佢d語氣就知佢冇病同埋擺明fake我啦，搞到勁"監介"

第五次﹕3日前，叫我去踩單車，我話"我唔會再對你抱任何希望，你自己搞，搵人去，搞掂哂d野你先好約我" 話就係咁話姐，始終都會抱一絲希望嫁嘛，到果一日既上晝，係學校度佢仲係度周圍約人去踩車嫁，跟住有人話，租單車果間野好似汁左(假的) ，佢完全唔知道真假，好緊張咁(虛偽!)問人到底有冇d咁既事......到放學(中午)，佢話佢要去打籃球，唔同我踩喇喎，仲"邀請"我黎打，我係度苦笑，理由係"都冇人去，唔通得你同我都去踩咩，今日又咁曬" (唉，曬你又去打籃球？)今次我冇抱咁大希望係佢度，所以今次打擊唔算太大，但係之前果d打擊已經改變唔到。

如果你能看到這裡，多謝你。不知道你有什麼感受......?
或許你會話我傻，為何一次又一次地中他計。
我的答案是﹕抱歉，我就是這麼傻。


呢個人好鬼幼稚，又冇責任心。

我好想報復，但又唔知點算，不嬲都唔做虧心事，如果唔係佢做到咁盡我都唔理佢啦。呢條友仔有時真係好乞人憎，我唔開心既時候佢係旁邊同d同學講話我好情緒化，lar口lar臉。唔係就係走過黎煩我，成日坐係我大脾度，又重，我又推唔郁佢(如果唔係佢大力我一早郁左佢)，我發火佢就係度笑，d笑聲聽落特別乞人憎，嬉皮笑臉，仲要話我嬲個樣好得意，唉，嬲果陣有條友仔係度笑，果種感覺真係,.......

點解我會比佢放完一次又一次呢，原因係因為先入為主
初時第一次約去溜冰佢冇放飛機，仲ok開心。

突然又記得有一次，我託佢幫我問人借PE三，佢話得啦得啦，結果係度同人玩手指滑板，到上堂果時我問佢，佢話都借唔到(根本冇借過)，你自己搞掂佢啦(笑嬉嬉咁講)。

完喇，多謝你咁耐心睇完。

問題﹕我要報復，希望各位可以根據我的可憐史作適當的安排
問題﹕點避免再受呢類刺激，唔想佢再約完我之後又放飛機