canon550D 同騰龍OR sigma

決定一支鏡頭用唔用到在一部相機上面要睇個接環.
Canon 550D係可以用EF或者EF-S 接環.只要接環配合就可以用得到.
騰龍(Tamron)或者Sigma都分別有出唔同相機用既接環.只要買啱接環就可以直接用,同原廠鏡頭用法冇分別.但買錯咗接環,例如買咗出俾Nikon用既就會裝唔到.所以買既時候一定要講明你係買Canon接環.
反而如果接環唔啱,即使係Canon鏡頭都會裝唔到的,例如好舊既Canon手動鏡係用FD接環的,就會用唔到在550D上面.
至於其他牌子既鏡頭例如Nikon咁,理論上係唔可以用在Canon機度的,市面上或者會有一啲副廠做既轉接環可以俾你順利咁裝到支鏡頭,但一般都會冇晒所有電子功能例如自動對焦,測光等.變咗要全手動曝光同手動對焦之餘,相片的Exif也會一片空白.並唔建議咁用法.