過關帶煙可以帶幾包

你好!

限制數量
(a) 香港帶返內地 : 200支(10包)
(b) 內地帶返香港 : 60支(3包)
- 數量包括埋已開封嘅煙
- 以24小時計,即係話要離港24hrs以上先可以帶60支,假設你即日來回,就唔可以帶任何免稅煙
配額一條,已係n年前嘅事,已經改左制好耐喇!並且依家會check得好緊,建議唔好博!



刑罰方面
- 視乎數量而定
- 我有好多朋友衰過!但一般多數都只係充公,若太多的話,就可能會罰錢!
- 據聞若你冇申報超標又比人捉到,會被罰款HK$2,000加上未付之煙草稅額的5倍,仲要逐支計,但有時唔太過份都唔會charge你,我指開封嗰包而已!若你包包都開晒去就唔同講法!
Actually都係一句<<<自律>>>!



其他
另外,我曾問朋友,咁咪賠了夫人又折兵,佢話即使充公,都可以攞返嘅,但就要補回差價囉(比正價)!結果都係多餘,但我就認為好過冇晒,回港又要比錢買過新!
不過,法例日日都在變,唔肯定依家仲有冇此規


其實本人都係煙民,覺得越來越被岐視,
- 食肆,巴士站等禁煙我覺得可以接受,但就連酒吧等娛樂場所都禁,未免太趕盡殺絕!明白想香港變無煙城市,唔想形響遊客對香港市容觀感,但依家局住人人企街食,咪仲衰!
- 煙稅又加得離譜,一下子加成十蚊,唔好話想增加庫房稅收之類,根本想用經濟壓力去迫人少食或戒煙?但冇可能啦,咁做仲衰,反而衍生左另一問題-走私煙!因貴先多左走私煙,但又拍晒廣告呼籲唔好買私煙,係犯法!哼!想點呀?

第日成個地球都變禁煙區,到時啲煙民都唔知會唔會比人棒出地球,要上太空先食得!唉!



唔好意思啊!暫時只可以幫到你呢道,若有問題,可隨時電郵比我架!
[email protected]

Winnie