電線方向性

玩Hi Fi,影音既人多數都有一種一絲不苟既態度.唔會放過每一個可以改善器材表現既方法.
喇叭線既線芯係通過將一啲粗既銅線又或者銀線穿過工具,拉伸成準確的直徑呎吋及使有光潔的表面,這個過程同時會擠壓及改變金屬內結晶的形狀,玩Hi Fi既人相信因為晶體形狀係向一邊拉伸,對電流經過會有一定影響,認為電流方向都要跟足先最好,即係擴音機去喇叭要跟翻箭咀方向.做喇叭線既為咗要满足消費者,印個箭咀上去亦冇乜所謂.
至於實際係咪會聽得到個分別,發燒友一定會話聽到(除非你唔好話佢知掉轉咗),一般人可能其實唔係咁覺,如果你既喇叭線只係直接接駁,冇入牆的話不妨接翻啱方向求個心安理得,如果要爆牆重舖喇叭線的話大可不必.

都係 Philip ( 知識長 ) 講野得體 D，大家都聽得入耳，如果我答會直接話係沒有分別和雖要的，因為在這電線上走的是交流訊號，有正、有零、有負，假設說電從負流向正，那在這電線上走的訊號就沒有方向可言。 但這樣答會令某些發燒友不高興。( aa )