✔ 最佳答案
做Merchandising係跟貨,又冇做過ACCOUNT,又冇相關履歷,你叫大公司點請佢呢?
反而係你自己點睇囉?
你自己讀Accouning & finance,咁當然做番Account好啦,至於你想留喺大公司抑或細公司,就兩睇囉.
細公司前途當然冇大公司咁好咁多福利,大公司通常銀行假,有啲係返五日工,咁即是話佢假期多囉,而且朝九晚五或晚六,咁即是時間相當好,可能仲會十四個月糧,仲可能有花紅分,咁你話坐呢啲大公司嘆唔嘆呢,嘆到你都唔信,佢哋分工分得好清楚,絶對唔會無端端唔係做果份嘢嘅人去咗搬嘢,或者做其他嘢,但係做過大公司,你米駛旨意再去揾份細公司做,你實做唔慣,因為嘆慣,試問一個過慣公主或少爺命嘅人要佢去捱,佢跳樓都有知,有幾大壓力呀,做到佢死都有知,所以做慣大公司嘅人好難再走去細公司做架.
但係細公司就真係從頭跟到尾,一來佢冇咁多成本請咁多人,二來人小小跟足全盤數都幾有滿足感同成功感架,咁公司見你咁幫得手,對你實會客客氣氣倚重你啦,唔似大公司一啲人情味都冇架.
但係細公司可能做做吓嘢冇水飲你要自己搬水或者自己煲水飲都有知,甚至去銀行入數都要你自己親自出馬,而且可能係勞工假,一星期返六日,冇花紅,冇十四個月糧.
但若果你自己冇經驗,冇人生學歷,咁你不妨考慮吓細公司先,咁你成盤數都有把握,咁你再轉大公司都唔遲,因為大公司係冇人教你做嘢架,你唔識就比人閙都有知,而且學嘅嘢就唔多囉.
你自己諗諗啦,咁後生,一出唻做嘢緊係想識多啲嘢,但係大公司人事鬥爭都幾利害吓,小心呀.