✔ 最佳答案
你好!
由於我回答之前已經有太多「廣告」, 我希望你會見到我既回答。
有關你既問題, 我見解如下:
1)我的個人信貸記錄應該有DRP?咁係吾係冇其他財務公司可貸款呢?
=> 你信貸記錄係會有DRP的。其他銀行或一線財務公司批唔批貸款, 好視乎佢點樣評估你既信貸情況。但係, 只要係會睇信貸記錄的銀行或財務公司, 見到有DRP記錄, 會批貸款既機會好微。
=> 但係如果你唔怕捱貴息, 你可以去市面上一D唔睇信貸記錄既二線財務公司借。佢地只會睇你入息證明, 住址證明等等, 再提供咨詢人, 佢就會借錢比你。但留意一般息口唔平, 借10000最後還12000, 分6個月, 諸如此類。
2)我係吾係要同其他人幫手聯名借貸呢?
=> 聯名借貸或者搵擔保人都可能令到你有機會去銀行或一線財務公司借到錢, 但都需要視乎情況, 你需要同銀行或者財務公司進一步傾, 我俾唔到一個好確實既答案你。
3)除咗(2)個種方法外仲有冇其他方法?
=> 其中一個去二線財務既方法已經上面提及, 但其實唔係好適合你, 因為我覺得你需要清數, 而唔係建立新債務。
=> 另外建議同大新and東亞傾債務重組, 反正你已經做左一個, 唔需要驚影響信貸記錄而唔做多兩個。當然, 銀行批唔批都要睇佢地自己既決定。
但我有d唔明, 其實你d數唔係好多, 點解同恆生做重組前唔去搵財務公司做一筆清呢?