冷暖氣機好用嗎?

美的無錯係大陸野，不過佢係同日本東芝和開利合作，你話勁唔勁呢？連世界龍頭汽車製造商之一既豐田汽車都係用東芝既空調系統，要同佢拎貨，你話勁唔勁？不過美的採用東芝和開利既技術限於中央空調，好多人都唔知，大陸既同胞都以為美的就係東芝，無分別，其實係美的既宣傳手法，買完反屋企先感受到國產機既威力。
如果你喜歡平既價錢，國產機係明智之選，選國產機當然選美的和格力，只不過你也要接受佢原來不是那麼美的，我唔係話佢一定易壞唔耐用，不過壞既機會率同耐用程度一定唔及日本牌子，仲有你要接受佢多小毛病呢個事實。
冷暖氣機好正架，冬天既時候開佢會出4-50度既暖氣，好舒服，唔會好似暖爐咁用發熱線，唔舒服，太熱同熱得間屋唔平均，佢暖得間房好平均。一句講到尾無得頂！而且唔會好似D人咁講嘥電，因為一匹機先用900瓦電左右經已有1500瓦暖爐既效果，慳電約40%，都唔知點解D人話嘥電，連中電都話用有暖氣既冷氣慳電過暖爐，真係唔明。我依家係用大金既。
仲有有暖氣既冷氣通常係出現係高級既機款，所以我相信你選個款應該係高級機款，仲有無聽過有邊間廠有出過一台窗口式冷氣機有暖氣功能，一般都係分體機。你搞清楚好D喎！

美的係大陸嘢，OFFICE用過，第一年無事，咁第二年就發覺唔凍啦，洗完都唔凍呀，所以唔好貪平．

暖氣機好嘥電喎，如果你只係冬天夜晚用，不如買部細細部嘅暖爐啦，插咗電放係近床就好暖架啦．

咁收藏又易，又唔會嘥錢買部有暖氣嘅冷氣機，香港有幾凍呀，買張羽絨被好過啦，又輕又可以當冷氣被．