有關高考放榜至到JUPAS放榜之間的事

>>我將我係JUPAS入要既ASSO同HD調上上面,
仲有D咩可以做??

如果你想報出面的asso、HD及Degree(例如: 樹仁、珠海、恆生管理學院), 放榜前做下資料搜集及準備好有關文件 收到成績單後立即印幾份, 之後就親自去或者叫人幫你拎表或報名. 如果可以網上報名就可以屋企填表交報名費. 不過, 有D學校係無網上申請, 睇見你符合校方入學要求先會派表, 所以拎表個位一定要有你的AL成績單.

>>要唔要去IVE報名?定係等埋D中五放榜後,先再去IVE報名?
IVE有統一收生計劃, 6月30日至7月2日可以親身到到IVE摩利臣山或黃克競院校報名, 並即場知道取錄結果. 詳情可以去VTC網頁瀏覽. 唔建議你等到會考放榜先去, 因為你所心儀學科學位可能會被人搶晒.
>>仲有我想問JUPAS放榜係唔係有D人會一科都派唔到嫁?
係, 每年都會有幾千人都係咁.