揾師傅安裝窗口冷氣

2010-06-26 6:47 am

✔ 最佳答案

如果您係幫襯d冷氣機細行，買窗口機嗰陣個師傅一般都係包拆舊機同裝機（其實應該係d舖頭報既價錢會計埋安裝費），不過當然啦，我幫襯既冷氣機行係喺屋企附近，所以先不另收費（同樣原理都會出現喺您既屋企附近既細行）。如果您係喺天水圍以外的地區買冷氣機，一般都要象徵式收番d交通費﹑隧道費同運輸費等等，不過您喺呢方面都唔洗擔心佢會太過份咁收費，但一般都大約要收100-500蚊不等（視乎您去邊度買，如果您係喺市區買機，固然會較貴；如果您喺屯門買機，就會收順小小）。所以您如果想慳番呢筆百鯪幾百蚊運輸費，喺番您住嗰區買就一定唔會買貴野。

至於您最後一個問題，您問想買一匹機，飛歌定樂信好d。以我經驗睇黎，買樂信既冷氣機點都好過買飛歌冷氣機。雖然樂信只係信興一個抄樂聲既本地品牌，但其實自從近幾年樂信成為松下（樂聲）旗下品牌之後，樂信全部冷氣機都已經係同樂聲同廠出產，品質上自然同樂聲一樣咁好用，而且信興本身喺香港已紮根幾十年，有個好代理，加上日後有長期保養，所以買樂信絕對有放心可以用得長久。至於飛歌，雖然鋼水上比較好，無咁易生锈，而且好多用家用過真係快凍好多，但窗口機如果制冷太快，會令壓縮機老快得快，同埋會食電好多。如果依家樂信既窗口機得5-7年貨仔，飛歌極其量可能只有3-4年用（同埋飛歌好少見有人裝）。您自己諗下啦！

參考: 自己+幫我裝機既冷氣師傅

👍 0 👎 0