愛情台劇介紹

泡沬之夏! 極力推介!!

我唔知你心中既童話式係點,但我覺得呢套劇真係好好睇,
係由明曉溪所寫的小說拍成劇集的...

女主角係 夏沬(徐熙媛演, 精湛了很多的演技)
兩個男主角分別係:
一個係風摩世界既超級明星: 洛熙(黃曉明演, 真係好型呀佢!)
另一個就係歐氏集團既少東: 歐辰(何潤東演, 同時也是此劇的製作人)

係講個女主角同兩個男主角的三角戀情,
當然, 故事入面兩個男主角都係瘋狂咁愛上左女主角,當然,佢地一直係個女仔身邊保護佢, 有咩難題都盡量幫個女仔解決, 但同時, 兩個男仔又會爭風呷醋...努力為夏沬帶來幸福,但命運卻一直阻礙佢地...

因為夏沬和洛熙都係孤兒, 所以呢套劇同其他台劇唔同,
佢好仔細咁描述出孤兒心目中的孤獨,不安全感...造成佢地內心一種不信任別人,靠演戲來討人歡心的性格...佢地兩個之間有好多回憶,但越相似既人,越會彼此吸引,也都會彼此抗拒..

而歐辰因為一出生就係富家子弟, 人人都只敢係遠處望佢...造成佢霸道, 冷傲既性格, 但當佢細個既時候遇到夏沬之後, 佢可以為佢改變, 漸漸識得微笑, 會期待, 會花一個月既時間整禮物送比夏沬, 而又唔比佢知係自己親手整的..呢份愛很令人感動^^

夏沬卻同其他女仔完全唔同, 佢性格堅強, 有咩難題自己解決,
從來唔會輕易就喊(所以唔好期望佢會為左愛情而喊=.=)
因為佢覺得家人先係佢一生中最重要既野, 愛情對佢黎講, 可以話1 d都唔重要,
佢可以為自己既家人放棄所有.

可惜命運將佢地三個耍得團團轉, 發生了好多悲傷的事, 雖然如此,但夏沬最終都好彩地搵自己既幸福,同xxxxx幸福咁生活落去.(保持神秘,我就唔講係邊個啦..)

雖然依家劇集仲未播哂, 但係我已經忍唔住睇左原著,
呢個故事會令你流好多眼淚, 正如以上所講, 夏沬從來不哭的,
但當你見到佢為左一件事喊到收唔到聲, 你也一定會流下眼淚的/__\

我就對兩個男主角又喜歡又憎恨, 當我見到佢地幾乎係一樣咁深愛夏沬,可以一直為佢付出,呢種愛真係好恐怖,但又好難得@_@ 所以如果係我,我都會唔知簡邊個好...

呢套劇既好處就係唔似以前d台劇咁老套, 一味淨係識愛愛愛, 呢套就多左d深層既感情.演員演技都好好,可以睇得出大s進步很多,黃曉明都好細膩,何潤東講對白都係好震撼的.

希望你鐘意啦, 我打得好辛苦架=.=

如果揀好睇咩劇集可以到以下嘅網頁睇嘅搵唔搵到嚟睇！
http://www.qire.com/
http://www.xiaoli.cc/