好傷心，考試明明盡左力，但都不如理想

讀書的確係有分叻唔叻,
你唔服果d人係無用,你亦都可能唔係讀書既料,
我地都幫唔到你
不過你考16名都唔錯啦

最好係點溫??
每日老師教完d咩都好好聽實,返屋企復習,諗番老師今日講過d咩.
再好d係對各個科目產生興趣,就會學d得開心d又快d

我自己係考試高分就good,唔好低過70分就夠既人
我父母都係最緊要對得住自己(,當然唔好考唔合格啦)
如果你有個可以係朋友亦係對手既人,係件好事黎
加油努力,問下你個朋友點溫!!
記住有時都要放鬆下!!

2010-06-23 14:31:00 補充：
同意004

其實努力等於收獲依樣野的確係幾呃細佬仔 -.-
不過你諗下......如果你唔努力咪仲衰係咪?
所以努力係一定有用既
不過要同人地比的確幾難
因為好似考試唔係人人都係考試既材料
好似古代D名詩人佢地考黎考去都考唔到科舉
都有D天才可以10幾歲就考到科舉
都要睇下你識唔識考試
識得考試既人的確係讀書時期有D著數
不過出左黎做野就會睇得出個分別嫁啦 ^^
唔好唔甘心啦
你都盡左力啦
佢地唔努力個樓底打唔好基礎
遲早都會現形
讀書的確唔可以一步就得嫁
佢地可能返屋企有溫
(我識得唔少人都話自己無溫 其實係屋企溫到超熟)
唔想俾你知道
所以先話自己無溫
唔好成日都諗輸贏
會令到自己總日唔開心
考試心情影響左
成績出黎都唔好啦
最緊要開開心心
考試出黎成績唔理想的確幾麻煩
不過出黎成績好又點?
可以得到全世界??
果D都係世俗人既諗法
改變唔到人地
就改變自己既心態
一改變左自己既心態
你就唔會覺得考試唔好係會死人既事
考試的確要重視
但盡左力,自己開心,問心無愧就得
做人唔洗太介意人地既睇法
會好辛苦
加上考試都過左
成績都派左
都係改變唔到既結果
做人就更加應該向前睇 ^^
唔好再為之前既野傷心
祝你日日都開開心心 ^^
有問題可以再問我 ^^
MY E-MAIL:[email protected]

首先讀書吾應該同人比較！

你高分過佢又點，吾系表示你一定叻過佢．

因你可能溫岩題目，佢冇溫！

又或者佢果日病，冇心機考　

所以先會低分！

（　如果下年你吾同佢一班，
系咪又同第二個人比　）？　　

分數吾等於ｄ咩，

能掌握到讀書技巧先系重點！

　

其實我同你都幾似
我就好似你個FD既
我一樣有個同學
佢好努力溫書
想叻過我
我又係上堂唔聽書既
但係我次次都贏佢
佢都冇放棄WO
繼續要挑戰我
上堂D人就話唔聽書姐
返屋企唔溫書就呃你架姐
每一個人都有自己既強項
好似我咁....
考數學之前我做左好多練習
點知最後比個唔溫書既同學高分過我
你試下跳出自己既想法
由第2個角度睇
就會見到每個人都有優點缺點架啦
既然你比人多兩倍既時間都輸既話
你咪多佢地三倍四倍囉
佢地就做唔溫書既天才
你咪做努力既天才囉
只要唔放棄就一定有可能贏晒你個班D人
唔洗傷心WO
失敗乃成功之母
而且笑一笑 世界更美妙
繼續加油啦!!

同你一樣
明明努力過
點知有科好低分
我仲要係全班最低分的
好down..成世人都未拎過咁低
平均分因為呢科趺左7分.. 唉

不過答返你先
我認為讀書既才能吾會話冇既
只係可能人地早溫過你..一直死背
又可能佢地係靠好運
人地同我講今次衰左下次追
要向前望
其實都有導理
就算考得吾好
仲有下一次的挑戰
更努力做好下次
最緊要係自己盡左力
問心無愧
而且每個人都有優點
佢呢科好吾代表科科都好過你
下次我地一齊好好加油考好點吧:)

希望幫到你=)

D人話冇溫書;;10個人有11個都係吹水!!加上其實如果你係屋企溫好曬!反到學唔聽書都得''讀書既野冇話有冇天份''睇你有冇努力同付出''重有你話同你個fd比''你輸左比佢''點解你唔問下佢有咩方法可以溫好d''到時大家一齊溫唔係重好咩''同人比冇用的!最緊要係同自已比''一次比一次好;;禁就得啦''最後一句''最緊要盡力''盡左力就問心冇愧''冇人會話你冇天份'd人會睇到你的努力

佢地話冇溫書姐但未必冇溫嫁嘛
有d人需然冇聽書 但系老師有講書嘛 只要做系課室就一定聽到
好多是溫書 未必溫到考試既嘢 也有可能溫漏左 其實唔系你讀書唔溝天分 而系依家d制度唔適合你姐 或者你既天分系第二到你 上帝對人人都系平等嫁 讀書唔系凈系考試前幾日努力就得 如果記憶力唔好 在努力溫都冇用 記憶需要長期嫁 日日都要讀少少（如果記憶力差的人）而且寫都系重要的環節 時間 對問題的掌握 這些都是未能掌握的因素 （需要勤加練習 將勤補拙）不需要太介意 自己覺得自己努力左就得啦 下次再加油啦