關於私影既問題((((((急)))))!!唔該幫幫忙!!

我係一位經常私影的攝影師...
妳可以睇睇我的相簿同 blog:
Album: http://ecfoto.net/ranger
Blog: http://hk.myblog.yahoo.com/dicer_x

以我豐富的經驗, 我可以話妳知,
(1) 想知佢有冇呃人, 首先要睇佢o既作品... 究竟裡面o既相係咪真實, 構圖有冇色情成份? 例如角度特別低, 令 model 走光之類.... 其次係"年資".... 如果係太新的新手, 要多加小心...

(2) 私影通常會影妳的時裝相... 不妨參考我的相簿同 Blog...

(3) 如果係正常情況下, 妳只要唔係同人地去偏靜地方影相, 人地又點會要求到妳除哂衫影相? 所以, 地點, 環境, 對妳的安全, 相當重要!!

「私影」應該要知的要點, 如下:
(A) 小心選擇拍攝地點, 以安全為首要條件, 要避免同陌生人到偏靜地點拍攝。 尤其是酒店, 偏僻郊外, 遊艇等...

(B) 即使係收費 model, 唔等於妳收o左錢, 攝影師就可以隨時更改拍攝地點同要求....

(C) 拍攝前要明確了解拍攝詳情... 例如衣著, 化粧等安排...

(D) 如果遇到一o的只係講 feel, 但拍攝前毫無計劃的人, 時間唔定, 地點唔知, 服裝隨意, 甚至叫妳著少o的, 咁妳就要小心....

(E) 影會通常都會有網站, 要上去睇清楚, 亦要多收集對方的資料.... 例如, 利用對方 email address 搵佢網上的資料等... 如果咩都搵唔到, 就要小心, 對方可能係用假 email....

(F) 應該要求帶同朋友或家人前去, 會較安全.... 亦可以有人幫手拎妳的行李...

1) 一定係公眾地方，如果佢叫你上酒店或者私人地方就要小心啲啦。當然，都有機會去影室或影樓，但我個人認為除非你同攝影師合作開熟咗先好上去囉，否則出事就叫天不應叫地不聞。
2) 好多時只係影風景(便服)，頂多都係去海灘影水著。不過水著都要小心，因為有啲立心不良嘅人其實只係想影model走光。
私影其實只不過係一啲玩開人像攝影嘅攝影師搵女仔影相當作嗜好，有啲可能係純為興趣，有啲係學緊想練習，因為影人像難度好高，要配合燈光、角度等等，只有通過不斷練習先可以改進技術。
3) 都有攝影師會喺影樓影藝術相(我覺得正當嘅唔會去酒店)，但事先一定會講明，唔會無厘頭影影下叫你除衫。

要注意嘅我覺得係如果你毫無經驗，而對方又話你知有錢收，你就要小心啲。
同埋盡量去公眾地方影啦，就算佢立心不良都唔敢亂嚟。