i m so short

你好!

以前細個覺得女仔太高實比人岐視,搵唔到男友,班房坐最後,比人叫竹高精,所以唔想高,依家先知,靚非剩睇個樣,要計埋身材,唔係大胸或纖腰先叫好身材,原來長腿都超重要!

唔知點解你咁想增高,不過好事嚟嘅!盡管試試講啲意見你知,希望幫到你!

你的問題
(a) 其實女仔點高都有限度,唔會夠男仔高,都有,但少囉!,而一般正統model,非嗰種五尺多半吋嘅靚模噃!我指專業,如林志玲或周汶錡等!基本要求係173-175cm左右!而男仔就一定要過180cm!咁你可睇返,作個參考
(b) 若14歲有158cm都算唔錯噃!你應該仲有得高,不過你問以你年齡應有多高就好難答你,人人唔同,冇特定標準去衡量,或者你可睇返自己學校排隊排幾後就一目了然啦!
(c) 女仔發育比男生早,相對比男仔亦早完成,大約16-17歲左右就差唔多高定,應該話整個發育過程都差唔多ok,如胸部個形會開始有個型,所有一切體態都會由細路女變做大人,即所謂亭亭玉立!另外,月經亦開始會穩定,總之全身都變成熟!baby fat亦開始減退!
(d) 女生盡晒都係18歲左右就完!不過男仔就仲有得去,好似我以前啲男友,大多都有180cm,而佢地異口同聲話,小學唔多高,大約中二中三暑假,日日去踢波打藍球,每日都好好胃口,到九月一日開學,要買過晒啲校服!突然一標,就10cm!兩個月而已!之後每年都仍有增進!大約20歲左右開始停!因此,我建議你最好把握呢幾年時間,多做運動!
(e) 不過,最重要睇返遺傳!以我為例,我爸嗰邊全部都唔高,阿麻阿爺都唔高,而我媽嗰邊啲舅父,最矮嗰個都有178cm,好得人驚,因我公公高!但我就遺傳左爸爸嗰邊,唉!之前我表哥結婚,叫埋男友去飲,去到佢就四周望並同我講:”乜你啲親戚嚟齊晒喺道?嘩!全場最高係我噃,乜你家族真矮成咁架!”哼!去我舅父嗰邊佢就知!哈哈!
(f) 因此,有啲人中意同鬼佬或高人結婚,就係想啲種可靚啲,即自己仔女可以高啲!你可留意,大部份混血兒都一定會有返咁上下高度!若父母都高,唔駛做運動都會好高,聽聞黃敏德個女15歲已有5呎11,仲有得上!

高度


155cm 160cm 165cm 170cm 175cm 180cm 185cm

此段係一般女仔高度(我指hk女仔平均)
呢段己可被叫高妹架喇
此段已踏入竹高精,如梁詠琪嗰類,高過好多男仔
好少女仔去到此階段,基本上可去打排球

增高辦法
以下係所有我認識之增高辦法,但有啲就冇科學根據,係老一輩嘅老人家講,但都可試試無妨
(1) 多做運動,如打藍球或排球,點解啲人話打藍球會高,係因須要跳躍,自不然將整個人啲骨拉長,所以會變高!但呢個講法係冇根據,係細個時媽咪講嘅!
我好細個就學溜冰,我媽話,因溜冰會腳撐撐(睇啲選手圍住個場嚟行跳轉就知),希望可藉此將啲骨拉長,加上係帶氧運動並可郁到全身!可惜我依然係咁矮,但有個好處,即使停學後,人開始變肥,但點肥對腳就仍好幼!
(2) 飲食方面,吸收多啲營養,唔好節食,新陳代謝好啲,身體好,做咩都事半功倍!
又係啲老人家話,要增高就食多啲菜,唔係食葉,要食梗,我懷疑係想氹我食菜而呃我的,但唔緊要啦,試下囉,反正都係有益!
(3) 想骨骼發展得好,可多食鈣質食物,如牛奶之類,同埋多啲補充膠原旦白,例如豬腳筋或牛筋,食多啲骨膠原,對筋骨發展好(對皮膚仲好),俗語話齋以形補形,可以的話,叫家人煲下湯你飲,啲人話食維他命丸,我就認為倒不如食啲真實食物好過啦!
(4) 唔好為想增快啲而亂咁博命做運動,一定要適可而止!
(5) 呢個方法就唔多建議,係個人覺得而已,著高跟鞋!著得多,腿嘅線條會靚啲,但缺點係影響你坐骨神經之類啦!或容易扭親,
細個媽唔比我著,到出嚟做野開始著就諗,因經常要趷高腳嚟行,即無時無刻會扯住啲筋骨,有種拉長感覺,或許係心理作用吧,所以覺得若當初可早啲於發育時著,依家可能冇咁矮!但你咁細個,家人未必比你著!算吧,忘記佢啦
(6) 其實,唔好一味貪高,要配合埋個身型比例,比例好,即使160cm,都可稱身材好!另外.線條亦好重要,有人可能100磅,但反而覺得110磅嗰個仲瘦啲,因為係線條同比例問題!唔知你咁細個明唔明我講乜
細個嗰陣冇人教,大左先知,有啲野原來喺發育期時就應開始注意,到定左型先再攪或改善就好麻煩,所以想提醒你,唔好掛住增高而忽略其他問題!

總結

- 人人身體狀況,發育情況不同,無一個指定標準,例如15歲應要幾高,冇指標的
- 遺傳好重要,好少見到矮嘅父母會有高嘅仔女,除非家族有人生得高都唔奇
- 先天遺傳再加後天努力,高多幾吋都唔難嘅,
- 食野方面,健康啲,做乜都會好啲,雖則表面睇對長高冇幫助,其實係有間接幫助!
- 依上述嚟做,即使唔增高,至少起碼你會有個健康身體

有咩唔明就電郵我啦!希望幫到你啦!
[email protected]


Winnie

這裏可以幫到你
http://aciwonwia.s233.idcbeta.net/yahoo.com.hk/hk/auction/178987536

Playing basketball
You must be very tall very soon
The summer holiday is coming soon.
You can play basketball everyday.
It also healthy to you.
My brother plays basketball everyday and he is 14.
He's now 170 cm.
Therefore,this idea is useful
Try!

2010-06-22 14:27:44 補充：
Although ur a girl,u can also play it. But if u have tried it for a long time,and have not have any change, im sorry. Maybe it is because of your family. You inherit your family.