分體式冷氣機滴水問題

你部機頭係用黎散熱架，唔會有倒汗水架，除非d雪種喉既保溫膠有破損，或者有雪種喉外露無用保溫膠包好，令空氣中既水分遇冷結成水珠，但好少機會。
否則唔使理你樓下個個人，你d衫濕晒關我咩事者，又唔係我部冷氣機滴水，你d衫濕晒一定係上一層架，唔俾上幾層架？
你部機係新裝定係點，以往有無呢個問題

你係想講indoor(出風)去喉水駁左去廚房昇盤,咁outdoor(散熱)會唔會有水?
係有水嘅,不過好少,會有d雪種喉上嘅倒汗水,唔會似indoor咁多,因有冷熱氣流交替.

2010-06-24 21:33:16 補充：
如果有留意其實個散熱係有孔去水,裝機師放果條銅喉,當然有朱腸喉(保溫)包著,但機內嘅銅喉係一定唔會有,有d人(好小)會要求散熱下裝水盤,再駁去水喉,通常都係d工商廈,散熱唔俾裝在外牆,會間房仔放機,當然會放近窗口或造風槽俾佢出入風散熱,但佢地當然唔想整濕自己個地,所以會裝水盤和去水喉(工商廈用嘅匹數較大,機又唔止一部,所以水較多.)所以你部散熱係會滴水嘅,不過唔多.要自己留意下.

2010-06-26 21:22:13 補充：
如果你發覺d水真係你部機流出嘅,當然要整,不過都幾煩,要睇下使唔使搭棚,如果要整係個棚都千幾二千元.首先師傅會在機底加個水盤,然後接上膠軟喉,再接駁到去水喉,如附近沒有去水喉,一般會把軟喉固定在外牆上,d水由牆壁慢慢流下,但果幅牆下面一定係無窗嘅,否則又俾人投訴.

窗外機頭既然已按裝了排水喉，排水喉也駁到洗碗盤里，分體機頭只有一個出水口，那何來會又滴水。