樂聲、日立、珍寶、樂信冷氣機

從我個人而言，如果要從呢四種冷氣機型號而選擇，我覺得樂聲牌既窗口機既質素最好，因為我最近都要換冷氣機，我有個朋友個老豆係冷氣機師傅，佢推薦樂聲，之後想去一d細舖頭去買（細舖買一般平過市面成千蚊），但都冇得買，話要7月先有。但透過呢個師傅既交情，最終以4650蚊買左樂聲 CW-C1810EA～

所以如果你要買日本名牌既冷氣機，就好快手d買啦，如果唔係就要去豐澤同百老匯等大型電器舖捱公價貴野，唔著數牙！

如果你去d細行冇得買樂聲，以嫌公價樂聲機太貴（公價大約要5880蚊，安裝包唔包就唔知），不妨考慮樂信牌，係樂聲既子公司，但樂信會賣得平d（比樂聲平200-500蚊不等）。以我所知，樂信既RC-C1810E同樂聲既CW-C1810EA係同一機款，只係牌子上唔同。

至於其他大牌子機，例如珍寶，如果您唔想個家居環境太過嘈吵，呢個牌子您唔好去諗，制冷量ok，但從英熱單位數值黎睇唔及得上樂聲同樂信。至於日立，就算係兩邊出風，但兩邊個出風位其實好細，但部機就比一般2匹機長好多，加上日立2匹冷氣既制冷量只有每小時17070個英熱單位（日立有可能係呢方面報大數，已經有前科），真係開極都唔凍，但一味多功能d lor～耐唔耐用就唔係好知，不過日立以前d機真係好襟用，有d閒閒地都可以用上10幾廿年都有。我以前都係用日立機，用左廿年壞左，就換左樂聲，至於點解唔買番日立，就自己知道la～

2010-06-23 19:09:39 補充：
買冷氣機，慳電都係最主要既考慮因素！
就能源效益而言，
樂聲﹑樂信會做到「夠凍夠靜夠慳電」既效率（1級能源）
日立都係1級能源，但可能會唔夠凍，每次開到部冷氣機最大檔次，計起上殷條數都一樣唔係小數目
至於珍寶，就真係差d~要2級能源~

2010-06-23 19:40:33 補充：
有關窗口機喺電器行既平均銷售情況

樂聲﹑樂信：由於係香港好多人所公認最好用既冷氣機品牌，好多時4月左右就出現搶購潮，因為嗰陣時d冷氣機會賣得平d。好多時到左6月就已經冇貨（細行），但就算到左7月有番貨同埋加價，樂聲（樂信）個銷量都好高～

日立：最近已經冇咁好用，多人投訴。唔知係因為日立本身出機數字多，定係負評既問題，近年黎好少有缺貨既情況出現，總之銷路麻麻地既啫～（最近問過我屋企一帶既細行冷氣機舖，都話大部份名牌冷氣機都冇貨，唯獨日立除外）

珍寶：安裝上因為主要係代理商--第一電業負責，安裝價錢固定冇價講，好多細行唔賣。而且珍寶機本身又貴又(...)，所以銷路不如以上三個牌子。

留電我分析比你聽。

我們之家電及影音,都是原廠安裝及保養, 保證全港最實惠, 否則原銀奉還。煩請先到百老匯等大型電器鋪抄低牌子型號(切勿到DSC抄), 及留電, 我們會即日報價。留電郵地址及電話給鄺先生：[email protected]