數碼相機zoom近時好朦係關咩事??

低光遠攝其實係DC既死症,長焦距而要較高速快門去防止手震及涷結歌星動作,偏偏一般DC因為成本及重量問題,遠攝光圈都會好細,這本來可以靠高感光度去刻服,偏偏DC由於感光完件細,一用高感光度就會有大量雜訊.嗰啲標榜有超高感光度既DC跟本只係商業手法,用過就知得啖笑,超重手軟件方式除雜訊搞到乜細節都磨走晒.唔矇至奇.
萬一你部機其實本身焦距唔夠長,嗰個所謂zoom其實只係數碼變焦,咁就更加矇上加矇.
影咁遠閃光燈其實冇乜用的.冇錯係冇咁易矇,但係就一定會好黑.這是夾硬加快快門的後果.原本閃燈夠力閃就會夠光,但咁遠跟本唔夠力.所以遠攝只可以靠現場光,即係唔開閃光燈影.
你見到人地即刻影到都夠光,其實佢地係用咗高感光度,而家啲DC好離譜,iso 3200甚至6400都夠膽加入規格內.如果你部DC有的話,你都可以試下用呢啲感光度.快門會快好多,影出來冇咁矇,唔放大就咁用相機個mon睇真係以為冇問題的,不過一放大就花到嚇死人,一唔係就磨到變晒塑膠人.
你講嗰三部相機焦距最長只有135mm,坐握手位用閃光燈影就差唔多,否則又係數碼zoom跟本冇用.而且都唔建議DC換DC,本質不變一樣冇用.
係買就要買數碼單鏡加長焦距鏡頭,最好有埋大光圈.不過咁樣最入門消費都要六七千蚊,而且你一定係要坐頭兩三行先得.
其中一個建議就係Canon 500D加55-250mm f4-5.6 IS鏡頭.你不能期望這個組合可以乜都影到,佢鏡頭光圈都係比較細,只適合影一啲慢歌,要影埋跳舞的話要大光圈鏡頭,可能就講緊要過萬先得喇.

2010-06-21 20:59:43 補充：
我唔知你部機有冇故障又或者係太舊冇防手震之類.
如果真係的話咁新機係會好啲.但要明白所謂party燈同百葉簾透入來既光都熟於弱光.快門會變慢.拍攝係有一定風險的,無可避免要提高iso去增加快門速度.雜訊就會增加.成斑人唔會淨係得你有相機吧.你可以睇下其他人既相會唔會好好多,唔好用相機mon睇,抄翻去用電腦睇.
真係換機的話你講嗰三部唔係好建議,因為佢地最大光圈只有f3.5,非常不利低光拍攝,你最好考慮有f2.0光圈的機種例如Canon S90,咁就可以靠大光圈增加快門而唔駛一味谷iso.

2010-06-24 20:56:04 補充：
想睇相機既遠攝能力可以睇焦距.即係例如28-135mm嗰個數值,後面數值越大代表佢可以zoom得越遠.