✔ 最佳答案
我都有貓試過有相同的情況，乳線癌、乳線瘤、乳線發炎。
首先，我想知你睇邊個醫生，醫生有冇呢方面的經驗，呢個有緊要，亦間接影響呢個醫生幫貓貓做呢個手術做得夠唔夠乾淨俐落，有冇手尾跟。我有乳線癌的貓貓係睇何大成的，由佢操刀做呢個手術的，成功同復完率好高好快，而同一隻貓的另一邊發的時候，我地搵另一個醫生做，要做兩次至得，切得唔夠乾淨，我呢隻貓做第一次手術時已十多歲，第二次的手術失敗左，過左冇耐貓貓亦病逝了。
當然，你可以會話何大成貴，但貓受少一次開刀之苦，同埋我覺得係整個過程中，由手術至復完，只要人同貓都唔需要咁辛苦，已經係物有所值。
我有另一隻貓有咁嘅情況：有時唔一定係腫瘤黎的，可以係乳線發炎而覺得貓貓乳線漲同硬，只要食一個星期至十日的藥佢就會好返，亦不再返發。我試過執過一隻比人用籠掉左係後樓梯的貓，佢好乖好聽話，比人摸比人抱的，我抱佢出籠抹身時一摸佢肚底，兩邊乳線漲晒，係勁漲果種，可能咁而比人掉左出黎，我地帶佢去睇醫生，醫生話唔一定腫瘤，先食五日藥睇下係咪消腫，再決定要唔要做手術。果然，食左3日藥開始消腫，前後食左十日藥已經痊癒，冇再返發，當然，我同醫生的溝通都好緊要，醫生講的說話，我地要消化，去理解，而唔係醫生講乜我地就聽乜。
食物方面
做完手術，貓貓會冇晒胃口的，而我地比佢食的食物，亦要好小心，我有問過何大成要比甚麼貓食會好些，佢話可以比雞肉、青豆、貓糧，比貓地食，但係貓貓剛做完手術的頭幾日，貓貓沒有胃口完全唔肯食野的，要比返些營養貓貓去維持身體所須，有一隻貓BB專食的營養糊 Royal Canin ~ Convalescence Support ，獸醫診所專售約 25元一包，問一問醫生貓貓可否吃這個補充營養。
用熱水泡浠比例約一份糊仔 + 三份水放暖給貓貓吃，貓貓吃的食物要和暖或微暖，唔好一次過開太大碗比貓貓食約 15 ~ 20ml 一餐，一次過吃得太多貓貓會容易嘔，細細碗便可要餐餐清，不是要一下子給貓貓吃飽，而是要續少給貓貓吃保持貓貓的胃口，要用針筒慢慢餵，每次泵給貓貓吃約1ml。貓貓是否要吃藥 ~ 消炎藥，貓貓會因沒有胃口吃糧容易反胃和嘔的，先吃完糊仔，約15-30分鐘後才吃藥，用針筒泵定小小水比貓貓吃藥後濕口 (幾滴便可)。貓貓食的精仔最好保持微暖。
如貓貓再有甚麼問題，可以直接致電給我 6302-8898
