✔ 最佳答案
我唔知你想做咩學徒, 麵飽學徒定係西餅學徒? 做西餅點定係酒店? 麵飽店西餅學徒好多都係$5-7K一個月, 更低都有. 就算做得耐, 人工又未必高, 有人做左好多年連$10K人工都無. 你要問下自己有無能力做個好學徒, 唔好話起餅鋪見到D飽餅好靚就話想做.
http://www28.discuss.com.hk/archiver/?tid-6605438-page-1.html 有講做飽餅學徒的辛酸, 如果你係想做, 你的確要認真睇下.
會計文員競爭實在好大, 因為唔少人考到LCCI 2/3證書. 無經驗一開始做只係得$5-7k人工, 就算做2年亦唔保證過$10k人工. 會計文員人工最多都係唔過$20k, 但都係做好多年的事. 不過, 會計行業係食後生飯的工作, 到30歲無相關工作經驗好難有人請. 公司請個無經驗的會計文員都寧願請後生仔女(女會著數D), 就算請老既好多都有工作經驗. 有D公司唔重視會計文員, 佢地寧願將入數工作交比會計公司或者會計師樓做, 開支票工作交比普通文員做, 甚至有些有內地業務公司已經將會計工作搬上內地.