為什麼新加坡可以平衡國民利益，而香港就要貧富懸殊？

魚與熊掌不可兼得,看你如何看待事情,觀 點和角度問題,各有各好.但香港好似好的.太自由亦不是件好事.用管理學的角度

新加坡的確是獨裁的國家，並不民主。香港比起新加坡要好的多，但是香港目前也是受中央控制的，並不算是一個民主社會。

周容，如果你見識真係唔係咁多，應該搵多啲資料先至講野。新加坡既人民行動黨可以話係世界上最獨裁既政黨，佢獨裁到可以完全不容任何反對聲音，只要有任何人反對現政府，一定會被搞到身敗名裂。唔止咁，人民行動黨連世襲制都搞埋(現任總理李顯龍係李光耀個仔)，而李顯龍既前任吳作棟亦係李光耀既入室弟子，呢個政府擺到明用人唯親。新加坡都有選舉，但永遠只有人民行動黨一個政黨參選，我記得係新加坡要成立政黨極難，要參選更係難於登天，於是人民行動黨係每次選舉之後都厚顏無恥地話自己超過九成選民支持！

呢個政府霸道慣，又無其他反對勢力，所以先可以連香口膠都可以禁食，換轉係其他民主國家，呢啲極端限制人身自由既政策絕無可能發生。無錯新加坡政府係好照顧人民，但其實新加坡人既自由極為有限，呢樣野佢地絕對無法同香港比。

2010-06-22 20:09:11 補充：
周容，新加坡背後啲乞人憎野你知幾多呀！新加坡公開支持優生學，認為只有學歷好山身好既人先至可以生出有前途既下一代，所以新加坡大搞大學畢業生之間既相睇會，希望優質父母生出優質小朋友。本來咁唸無乜錯，但佢最乞人憎既係新加坡政府歧視生長環境唔太好既小朋友及年輕人，擺明話佢地一世無發達。係人都知新加坡既教育制度極之殘忍，完全係無情既汰弱留強，只要你有少少跟唔上，佢一下就踢你出局。而只要你無法大學畢業，你既人生幾乎可以話已經完結。

2010-06-22 20:11:42 補充：
新加坡行咁徹底既精英制，成績如何﹖起碼以大學水平來講叻唔過香港。前排既大學排名，亞洲十大最佳大學香港佔左五間，而第一及第三分別係港大及科大！新加坡只有佢最好既新加坡國立大學成為第二位，雖然都好勁，但香港既制度無佢咁無情，但成就唔比新加坡差，你話邊個乞人憎啲﹖

2010-06-22 20:16:55 補充：
仲有，人民行動黨係一個極為獨裁既政黨，只要佢覺得對人民好既事，佢可以理直氣壯咁侵犯人權。本來人權就不能被無限擴大，因為社會要大家將就先可以和諧，但新加坡可以為一啲小事就嚴重侵犯人權。食香口膠有幾影響社會﹖竟然全國禁止！有外國人無理禁令照食可也，不止比人拉去坐監，仲要比籐條打到屁股開花！呢啲係咩道理﹖以前睇某個新聞節目，話新加坡嗰度有個人只係稍為批評下政府，就被政府搞到身敗名裂，呢個係咩社會﹖