我咁做係岩定錯

第一次你見佢咁慘先借俾佢...因為佢病o左, 無錢睇醫生!!!
同埋佢第一次問你借....你估計唔會再有下次~~so你就借俾佢...
我諗佢應該無還錢俾, 而你亦唔好意思問佢...
你覺得一次姐...又唔係成日借, 咁咪算啦~~

第二次佢又係洗大....問你借錢!!你話無錢...但佢叫你d屋企人借, 好奇怪囉..
你話佢要有自尊心, 所以唔問屋企人借....既然係咁, 唔通你唔洗有自尊心咩..

你地係網上識o既, 識左一個星期就拍拖...會唔會太快呀!!
拍左一個月, 就借錢俾佢....防人之心不可無~~
就算識朋友, 識o左唔係好耐.....你都唔會借啦!!

你話你地出街, 係佢出錢...而你唔洗出, 咁好正常姐...呢d係你情我願...
咁你地可以講明AA計....同埋唔一定係佢出哂錢...

重有佢無錢, 點解唔搵工做呀...既然佢咁有自尊, 唔問屋企人借錢...
佢係咁有自尊, 更加唔會問你借啦....

究竟你知唔知佢係返緊工定讀緊書咖!?成日都唔夠錢用...咩原因呀?

我覺得你地分手係正確o既....重有係你唔再網上識, 然後約出o黎啦~~
咁樣做, 係好危險咖!!!如果d人有心對你不利, 蝕底果個係你自己咋..

怒我講一句:..你真係超傻呀!!=口=

你做得非常之啱,
好似買股票咁,
跌左就拿拿臨斬纜,
免得蝕死你

識左一個月就問你借錢
開頭就幾百,還番俾你又借
等你以為有借有還
好彩你唔再借俾佢
唔係就越借越多
到時如果佢無本事還俾你
你等佢還俾你定係再借俾佢呢???

分左手咪好囉!!!
佢無本事學乜野人地拍拖啫
出埋 d 拿渣招,出街佢俾晒錢又如何呀
佢諗住氹住你先咋,等你落左搭就得米嘞
佢唔知你咁醒,咁快話分手
我諗佢今次實話『失策』因為你唔落搭

如果佢唔係咁快問你借錢
你都唔會咁快同佢分手
我一d都唔可憐佢,因為我覺得佢真係呃你架!!!
你話我對佢有偏見都係咁話嘞

雖然係情侶,但始終兩個陌生人走在一起,唔知對方有冇目的,所以不要太信一個人,特別有錢銀瓜葛既,我贊成你咁做,有時人又無,但有錢在身都有安全感,你做得嚴.

我覺得你應該要比個機會佢,同佢係返一齊啦...信佢一次都無所謂既,如果佢再問你借先分手啦