關於單反canon eos 550d.

曝光補償的原理其十實亦係靠調整光圈及快門去調整測光出現的偏差.但在"M"模式下你已經決定晒光圈及快門.所以曝光補償係無效的.想光啲可以自行加大光圈或者減慢快門速度.又或者加高iso.
有一種情況係"M"模式下曝光補償都有效的,就係開咗自動iso.咁加曝光補償iso就會升高.
相片影出來黑色一片就係入光量唔夠.只可以加大光圈,減慢快門或者提升iso.我估計你係用kit lens,所以F3.5已經係最大光圈,iso 100而需要30秒曝光的話現場真係好黑,應該係夜晚.就算將iso提升到1600都要接近2秒.再提升iso的話雜訊會好勁.所以唯有用腳架,慢啲好過唔靚.
用TV模式夾硬較快個快門係冇用的.因為光圈已開盡.曝光補償+0係1/100秒,F3.5.就算較到曝光補償係+5,光圈快門組合一樣係1/100秒,F3.5,光暗係原全冇分別的.只可以提升iso或者用一個冇咁快既快門.
好多人誤解咗曝光補償係一個魔術,可以快門又快,光圈又細,iso又低都夠光,實質上係冇咁着數的,否則大光圈鏡頭同埋高iso雜訊控制好既相機就唔會咁值錢.
當然你影既物體在閃光燈火力範圍內你亦可以用閃光燈做光源,咁光圈細啲,快門快啲,iso抵啲都一樣可以夠光.

您好， 我推薦您一個網站，一個對手機設備，攝影設備最新產品價格以及產品評測的網站，上面還有很多實用的小技巧，常用知識。

http://www.digital-price.net

希望對您有用