新手養愛情鳥有咩要注意? (20分)

1. 要鑑別男定女,係要拔出雀雀既毛,寄去外國驗dna先確定出架;亦可搵有經驗人士摸下雀仔,佢地可以摸出男定女架

2. 放籠養無問題,人地係擔心雀仔悶,所以先講要放出來同佢玩;如果你都想同佢互動的話,你就得閒放佢出來玩下囉,不過緊記放出來前要閂窗

3. 一對一對先似愛情鳥吖嘛,一隻就太lonely喇,不過養一隻都可以啦

4. 隨意啦,自己得閒咪玩下囉,雀仔要接觸人多d佢先唔驚人架,其實睇你想唔想同佢玩啫,有人當觀賞鳥養都係咁啦

5. 有冇拔到無哂毛呀,如果無咁應該係整理毛毛啫

6. 大叫可能性好多喎 -- 肚餓好大可能,仲可以係想叫你陪佢.....

剪翼係指剪最出果d羽毛, 目的係唔比佢飛得高, 安心咁放佢出梨玩,

當然最穩慎都係關好門窗先啦



首先買個籠比佢啦, 唔好買一般阿伯玩雀用果d喎, 買個大d,

雀街買平d呀, 50~60果d都得架喇, 最好當然買多隻陪佢啦,

愛情鳥唔係好貴, 80以下都有架喇, 佢地要多雀陪先開心,

食物方面, 麵包, 菜都得, 不過唔可以多, 主要食雀"量",

紅蘿蔔果d大型寵物店都有得買架喇, 平價貨雀街有,

佢地接觸得多人既話, 可以好黏身架~



我自己養緊彩鳳, 共六隻, 有三隻係自己生出梨架~
都養左5, 6年喇, 之前養係因為有一次飛左一隻入梨屋企~

如果細細個開始成日陪佢玩, 真係會好黏人,
有時係雀街見到d阿叔手托住隻愛情鳥出街,
無挷住架, 好乖, ~~

剪羽毛既話, 應該唔會痛架, 同剪頭髮.毛既道理一樣,
不是真的剪翼ma, 剪前請參考網上的一些圖片
http://www.hkipa.com/Info/FAQ-CARE.HTM

你大可到以下的網址, 有好多資料提供,
http://www.hkipa.com/ <--香港(國際)鸚鵡協會

2隻佢冇咁悶 , 1隻就會多就親近人類 .

你想佢上手玩 , 如果佢唔怕人 , 可以拿一把食物在手去餵佢 , 等佢上來 , 玩得多左佢就會自覺上手架喇 .

新買返來的多數半個月可適應 , 不過跟伴侶分開了的就要1個月

兩個月大嘅愛情鳥係最好玩 , 不過有些仍然要食奶 , 不懂餵奶的話可等三個月大再買 , 唔會相差太遠 ( 如果是人手養大的就連6個月大的就不會怕人 )

靚的愛情鳥毛色鮮艷 , 好有層次 , 如果是成鳥 , 頭頂愈紅的愈好 . 而且爪的顏色要平均 . 唔同顏色係可以配成一對架 , 生出來的bb一係爸爸的毛色 , 一係媽媽的毛色 , 不會相差太遠 . 如果伴侶不幸過身 , 要比佢適應一星期先好買新伴侶比佢 , 也要看看新伴侶和牠相處得好不好 ( 最好買同年紀的 )

你可以去比較下價錢 , 不過雀鳥花園賣的有些保證 , 價錢80元左右 .


愛情鳥係好鐘意乾淨 , 好貪玩 , 好惡 ( 生氣的話 ) 雀來的 . 食物清水要日日換 , 籠都要多洗 , 偶然可以比個大d嘅盒佢洗洗澡 ( 牠自己會洗的了 ) , 多d陪佢玩 , 也可增進彼此的感情