買美孚新邨要注意的地方？？

美孚唔太大問題放心買la ! 前回應者 J 一睇都唔係好識野, 香港戰後的私人發展商建的樓房好多國際權威報告都曾指出係可以住100年(當然要有定期維修). 佢所指的60年壽命係指現今銀行按正常情況底下的可接受按揭樓齡,但美孚新(村)一早已經打破左這個限制.我3個月前買進一個六期蘭秀街的單位都在HSBC做到30年按揭.以佢所講的60年來算銀行就已經算錯數.

其實買美孚要注意反而係

1.唔好買有裝修的炒家貨因為100%係化妝樓,當住上1~2年必然問題百出,要買就買一問自己找師傅慢慢裝修到合心水,最重要係好多時化妝樓都係大改特改原來的間格會有結構問題,仲有化妝樓9成係開放式廚房(但用明火煮食)係唔合乎香港消防條例).

2.注意是否凶宅(始終樓齡高)

3.樓下有冇食店或油煙槽,如果有必須買10樓以上(因為美孚只有8尺樓底)

4.最頂同最底層一定唔可以買,最頂電梯唔到最底好多時候好嘈同有污水倒流問題.

5.美孚第三期唔係每座樓都有平地電梯,有一半已上要平台出入,如果有老人家或BB車就比較煩.不過就相對地平價同靜因為平台果幾座在內圍.

6.M.T.R 出口比較近 4,5,6,7期

估價就在買之前 WALK IN 去銀行估 LA, 不過估唔足價都唔怕只要在15萬以內一般來講都會批比你.

2010-06-21 12:02:22 補充：
美孚維修係唔洗比錢嫁,因為管理處大把錢

如果我就不買啦！40年樓美孚，最多只按20年，一般40年樓，只按10-15年，美孚只按20年！

美孚很多單位困在內园中，通风欠佳，由於維修都唔錯，所以用作維修的錢刀相當多！先前在官塘月華街樓5年維修一次，每次幾萬夾錢！

估價不足銀行係咁！

1. 地下有無電梯到如(5期蘭秀1,3,5,7 9,11. 恆柏 1,3,5,7, 要上6-7級樓梯先到大 堂. 有bb車每次出入都好煩) ,有無改側 (好多改到七彩,唔合格,仲有漏水問題添.原本是廁所位改了睡房你是否接受呢? 仲有d 喉有機會泠熱天氣而出水.不知多久發黑才會知)兒家仲有屋宇處檢查門口鐵閘有否阻礙防火門逃生而要出order.仲有門口有否改出了而違規,因為唔合格而影響銀行唔做按揭.層樓低有機會有渠味出現.係咪凶宅一定要問,問地產問業主問管理處問隔離屋...問問問.係咪化妝樓??? 個地產不用帶鎖匙又開到門100%啦.全新裝 90%.其它我未想到.但建議睇樓要行多幾間地產睇.不要懶
2.估價不足...有裝修果d一定家啦唔係送比你家喎係唔駛你煩姐.其次是景觀靚果d啦.係家啦靚呀嗎仲要係得果一間...你要唔要呀? 普通果d單位一定估到價. 要點是不要差太遠價錢3-5%還可,差太遠不要博,(地產公司就話佢地會幫我搵到銀行估足價)信一半啦,仲有一半自己去多幾間銀行問啦....

其實美孚新邨最大嘅問題係樓齡高,你自己諗吓,佢有成四十年啦,但係一般樓宇只有六十年壽命，咁當中仲涉及維修費，四十年樓齡根本做唔倒銀行按揭，咁你他日想賣都幾難，而且你想搬走都相當煩，而剩番二十年命嘅樓，你到時未退休就要揾地方搬啦，而涉及重建的賠償又不足買一層同樣尺數嘅新樓，你仲有錢再努力供款嗎？

估價你真係要自己打電話比銀行問估價呀，呢樣嘢唔可以靠經紀呀，我幾個月前無意上網見到一個網，係各銀行詢問樓宇估價同按揭利息計算，供款額等等．