若高考中+英+1科AL攞E,想讀會計,讀邊樣好??

你真係讀到大專畢業就算? 我一直建議讀會計點都要讀到大學. 你自己睇下大公司網站或者job ad., 大學畢業將來搵工選擇真係多好多好多. 讀完大專主要出路都係做會計文員或者去細會計師樓做. 細會計師樓人工低, 做得耐又唔代表人工好高, exposure又唔係多(因為無/好少上市公司audit經驗). 你將來想轉工, 一份大公司工大把Big4人同你爭, 走又容易咩?

試卷豁免方面, 就算豁免得多都唔代表認受性一定好. 而且做會計師根本無需要考38份卷咁多. 豁免的卷係唔係真係可以幫你減少你將來考HKICPA認可的會計師試卷的數目? 如果你係將來想考QP做會計師, 就算個課程豁免埋AICPA, CIMA等等HKICPA根本唔認可的考試都無用.

副學士認受性唔係好得. 雖然升大學比率較高級文憑高, 但商科升大學一點也不容易. Non-jupas收生過程唔公開, 亦唔會只睇你GPA, 有D大學收Year 1學生會收AL Full cert.學生.

與其揀hkuspace及scs的會計, 你有無考慮過IVE? 因為IVE歷史較悠久, 而且學習較實用, 有D僱主比較喜歡請IVE畢業生. 你問下CPA Firm的HR, 有幾多會知道HKUSpace?

2010-06-19 18:55:50 補充：
樹仁始終唔係好多畢業生入到Big4, 多數去返中小型會計師樓做. 上一屆畢業遇著金融海嘯, 畢業生平均人工有大約$8-9k都算係咁. 樹仁同asso比較方面, 正面之處係樹仁始終係degree, 要求大學畢業的工都可以申請, 我識人有大公司面試機會. 不過壞處就係如果你目標係八大, 樹仁係比較難轉校. 而且樹仁認受性比asso高, 有些老一輩唔知asso係乜. 不過亦有僱主唔係好認同樹仁.

2010-06-19 18:57:03 補充：
港專會計好少人講. 不過, 港專個網頁根本唔update. 你可以上HKIAAT網頁睇下最新Exemption policy, 今年入學連P2, P6卷都無得豁免, 唔係港專所講只係考P7, 而且「亦可到各大會計師行從事審計工作」亦係誤導, 大型及一部分中型係唔會考慮無degree的人.

HD係職業導向, ASSO係升學導向. 如果你讀完後想搵工就讀HD, 升Degree就讀asso. 副學士雖然個目的係升大學, 但升商科都係唔容易. 你入到去唔該你比心機讀書, 考到好好成績出來. 但留意高GPA並非必然升Degree, 因為各大學規則不同.

IVE係VTC屬下院校.

2010-06-19 18:58:03 補充：
還有, 樹仁係比較難考到好成績, 每科set死幾多%學生考到邊個grade, 考到A/A-係好少好少.

2010-06-20 10:18:05 補充：
學習設施方面, 樹仁因為一直唔想靠政府資助, 所以設施唔及八大好, 上堂方式同中學差唔多, 地方唔係好大, 所以有人話樹仁係中學加強版. 不過, asso多數去商廈或者去其他大樓上課, 好多唔會去大學本部上, 大學生有的福利又唔係全部可以enjoy到.

2010-06-22 07:09:20 補充：
當然唔係豁免愈多卷就愈好. 要睇課程好唔好, 係要睇教學質素、有無專業機構認可(唔係只係會計師公會)、排名、課程結構、實習機會及社會對學生評價等. 至於邊間好就你自己搜尋多d有關資料. 不過, 如果你只係得3E, 樹仁好大機會唔收, 除非你面試表現真係好好, 唔符合入學要求就更加唔收.