急!!去澳門住駿景行程幫我編編丫.要自己答

香港3粒星身分證就OK
坐車你可以搵一部寫住君怡酒店/娛樂場GE車(FREE/係人都坐得的)
(君怡同駿景好近)
cheak in可以早D都得,如果有房佢地一定比你地..CHEAK IN比身分證同300按金/VISA都得,佢地會比早餐飛你..同埋佢地娛樂場$50泥碼飛比你(即係你要拎你自己50蚊加埋張飛去換100碼,唔玩唔洗理佢啦)

至於玩就..你11點搭船即係12點到澳門啦..咁你搵君怡GA車(搵唔到搭的士去駿景好似要40左右)去到最少都12:30到左駿景你上21樓睇下比唔比到房你..比到你咪抖抖跟住去大利來食下豬扒包/咖哩豬扒面@食完可以行下..O個到行遠少少有食燕窩撻,葡撻,豬扒包同埋木糠布甸 禮記雪糕,咀香園

如果未比到房你...咁你地去駿景樓下附近食下野,O個到有幾間野食..(好食我唔敢講因為個個口味唔同,但係梗有一間岩你食GE)食完上去CHEAK IN(都點幾2點啦)

跟住去威尼斯人行個圈(有排行)行完行埋新濠天地(呢到有野睇/要排隊的)
玩完可以番去大利來附近有好多野食(晚飯)

第2日早D去食早餐,你可以O係駿景下面拉巴士搭去媽閣(秒),睇完媽閣可以睇埋海事博物館(唔怕攰可以問人路行去大三巴)一係搭的士去噴水池落車行上去就近好多.上到大三巴側邊就係炮台(可以行上去但係冇咩睇,影下相都OK GE) 跟住行番落低D問下人蕃茄屋O係邊可以去食午餐(又平又幾好食GE葡國菜)呢一日好買埋野啦..
之後可以去澳門博物館,主教山教堂<--呢到上到去好靚GA可以望晒成座澳門旅遊塔~之後可以番去大馬路搵間飯店食雞煲翅-一係去D酒店食自助餐/半自助餐(利奧酒店幾好食又低食..每人唔洗一百)

走O個日..12點前CHEAK OUT(可以打電話落去話1點)駿景有酒店車出碼頭開出時間問番酒店,番到澳門搵去澳門科學館(一定有巴士可以到/的士最方便啦梗係)
去完咪去漁人碼頭(另外如果多野GE話你可以搵左金沙賭場D車去金沙放低D野(所有賭場車,賭場放低D行理都係FREE GA)放低左先去玩仲好..回解要金少呢因為金少去邊到都近..搭的士超方便)
跟住搵野食,食完番金沙拎番自己D野..行出出面又有金沙D車,車番你去碼頭(睇清楚係澳門碼頭唔係TUM仔碼頭呀)D車都係FREE的..

可以用港幣,用幾多就真係話唔定..其實車都係搭的士多..因為唔係好貴..同埋永利都叫有D野睇下..好似半個鍾一次..有TREE升上黎都幾靚..睇完可以行埋去MSM裡面有個好似公園咁GE地方都幾靚,可以影下相..唔知你有冇用呢..祝你玩得開心啦..


呀~~~~~~~~~~~我仲以為你3日2夜TIM...2日一夜.咁就要掉轉啦..去到可以去酒店CHEAK IN跟住問下仲有冇酒店車出去澳門出到去可以食左蕃茄屋先..跟住大三巴O個D(睇番上面同埋唔洗買野住啦)行完睇完去食野啦..
第2朝食酒店個早餐,跟住執野呢日先去大利來O個頭,順便買埋野..(睇番上面)