上流社會人士為何會用有色眼鏡看中產及基層人士?

多謝邀請, 希望儘量解答到你的問題。

劇集看來誇張, 但事實不排除有類似事情發生, 像不久之前看到八卦雜誌講到賭王三太之子與健身院小職員拍拖, 傳聞三太不悅, 超雲更單打說 "你估佢係處女呀? 唔好以為人地咁純情!"... 是否真有其事? 照我看可能性好大。自古有云, 竹門對竹門, 上流社會的確會有一部份人為要保持高人一等地位阻止子女結交他們眼中的 "低等" 人, 以免將自己家族的質素拉低, 有點似優生主義, 其實也跟生物為保持自己族類的基因而不會與異族交配一樣。

隨著時代進步, 思想開放, 竹門對竹門的想法好多不再被認同, 甚至詬病, 反而不計較別人出身的思想會更被人欣賞, 所以看不起別人出身的人少了, 即使心裡是看不起, 也不敢表現出來。今日新聞剛看到瑞典女王儲下嫁只有中學程度, 鄉下出身的平民, 新聞對此評價正面, 就知如果今日仍抱門當戶對思想的人已經不受歡迎, 反之卻令人讚賞。不過別忘了, 有些人是不怕受"輿論壓力"的, 仍然堅持要跟"配得起"自己的人來往, 特別是一些剛攀上上流社會的人, 為要享受高人一等的優越, 更會踩低人來抬高自己。

2010-06-17 22:43:34 補充：
出身與人品是否有影響? 出污泥而不染的人不是沒有, 始終不多。點解會咁講? 當一個人自小耳濡目染, 一些不好的事都會視作平常, 好似國內好多人呃呃騙騙, 貪污舞弊, 一般國內人都視作等閒, 接受了, 即使自己不做, 也不會阻止別人做, 道德觀念嚴重歪曲。我經常見他們對許多令人震驚的謀財害命事件當作笑話來講, 我看著他們在笑, 我卻一點都笑不出, 只覺心寒。一個人的人品, 的確會受出身影響。雖然不至於看不起人, 但有時卻真的融合不來。

到了你係上流社會人士，你都會睇唔起中產或基層人士，因為實會大把呢人巴結佢，而且中產及基層人士根本就係佢哋請嘅，咁上流社會人士身為老闆駛鬼理佢哋有咩感受咩，而係掉轉僱員要理僱主是否覺得佢哋做得好，做得叻，皆因要佢老闆欣賞佢先有上位升職之望，老闆睇得你起先會開口同你講多啲嘢，咁其他人又會點睇，實係覺得呢個人好掂，好有POWER，好有前途，仲唔買佢怕，皆因佢可以喺老闆面前講幾句，你就冇運行，升職唔駛旨意，仲可能變相降級，所以大把人巴結能夠埋老闆身邊的人．

如此類推，咁佢哋上流社會有乜可能唔係高高在上嘅感覺，佢哋自小已經係咁，群埋果啲都係咁，咁你諗吓佢哋講嘅做都係兩碼子的事，做好多慈善活動，籌款活動，甚至捐好多錢，但係佢哋根本係唔會覺中產或基層人士有幾順眼，明冇，太多人會白撞或者認親認戚，造成佢哋都好小心人事或人嘅背景．

佢哋唔睇得起中產及基層人士唔係冇理由架，事實中產人士又何嘗睇得起基層或草根人士，佢哋都不知幾想自己變成上流人士，變成佢哋嘅一份子，可以出席吓慈善籌款或BALL，都不知幾小心衣著，但係上流未必會喜歡佢哋，咁要融入上流，佢哋都要識講話題氹佢哋架，所以呢個世界咩人都有架啦．

其實不須要太在意電視劇的內容，因為是導演及編劇要求演員去演戲，至於上流社會人士為何會用有色眼鏡看中產及基層人士，這是全世界的現象，不是香港獨有現象。

談情說案只是tvb編劇對日劇的加工再造，其可信度極低
你根據一套虛構的電視劇情來標簽上流社會，真的是很...
為富=不仁
窮人=可憐
.
.
都是樣版式面具，搞階級鬥爭時才用的愚民概念
請先脫下你的有色眼鏡吧

我都係咁覺得
個個上流社會嘅人都話自己好有家教 都睇唔起啲出身平凡嘅人
但係我覺得佢地先係最冇家教
連最基本既禮貌都唔識
係度歧視其他social class既人

所以話, 消滅階級係非常重要
上流人士點解可以做上流人士? 佢地貢獻好大咩?
事實就係, 愈上流的人, 愈是游手好閒
我地呢D低下層, 自食其食, 都唔知幾咁光榮
上流人士, 靠剝削低下層謀生, 佢地用緊既係黑錢

2010-06-18 23:46:23 補充：
上流人士不等如不仁
但大部分上流人士確是不仁
尤其沒有熬過苦的, 向來目中無人

踏足社會後, 一定會發現
愈高層的, 愈狗

上流人士只係表面上好有禮
暗地裡一樣係咁鐘意吊人, 個心黑過墨
我地低下層, 吊人光明正大
有碗話碗, 有碟有碟, 直腸直肚
不像上流人士, 虛偽到極點

毛主席說得好, 資本家的質素都不及工農!

2010-06-18 23:49:09 補充：
我就係要歧視有錢人!
有錢人(通常)係社會人渣敗類
呢個世界冇窮人點會有有錢人?
自己攞住咁多錢, 其他人飯都食唔飽
良心過得去咩?

仲要睇唔起窮人
錢是無法修飾其醜陋的