我應唔應該同佢一齊?

我係個廿歲的女大學生，係出面識左個男的，以為對方大我7,8年，一路對佢有好感，但都唔肯定自己係咪暗戀佢。

大家識左差唔多７個月，最近（３個星期左右）佢同我表白，於是就一齊啦。

但係，同左佢一齊之後，先發現佢原來已經32歲，我開頭諗住唔緊要啦，但比屋企人、朋友話完後，我發現自己其實幾介意。
而家我唔係太想比其他人知佢大我幾多，亦都有ｄ驚比學校ｄ朋友見到佢。
同埋，以前明明冇乜ｃａｒｅ的，但而家係埋一齊後，又嫌人地太矮，我已經生得矮，但著對高跟已經高得過佢。

之前一路都係好朋友關係，而家突然開始拍拖，我覺得好混亂，根本就唔知道自己係咪真係鍾意佢。
同佢約會，最初拖手的時候我會心跳加速，覺得好ｓｗｅｅｔ，但而家已經冇晒感覺，而且有時都係會覺得好似同朋友出黎食下飯咁。

同佢見面、傾電話的時候會覺得好開心，但唔見的時候，又會冇咩feel咁
不過，知道佢去睇個靚女朋友表演，我又會有ｄ妒忌
我覺得佢好錫我，對我好好，但我一路都確定唔到自己心意，覺得好對佢唔住。
最近連見面的時候，我都會為「唔知自己的心想點」而煩惱

我應該點做好．．．．．．