急ＢＢ一日痾4-5次便便

啱啱我BB之前都係咁, 睇過兩個唔同嘅醫生都係咁講, 無藥食, 係要等佢自己疴清啲菌就會好返.

我BB疴咗6日, 一日疴8次, 水水嘅大便, 但就食訓玩都同平時差唔多, 所以醫生話唔使擔心, 雖然佢咁講, 但都好擔心, 自己更加注意佢玩嗰啲玩具要勤啲洗呀, 幫佢洗手仔洗多啲.

最心痛係佢個屁股仔, 疴都紅哂, 初初搽凡士林, 後來醫生開咗藥膏就搽藥膏囉, 都好快好返.

咁如果醫生無講要轉飲豆奶就唔使轉啦, 通常係好嚴重嗰啲先要轉架, 即係一飲奶就嘔呀, 完全食唔到嘢嗰啲先要轉. 食白粥會對腸胃無咁多負擔.

我朋友同我講, 其實如果BB食訓玩都正常, 其實個BB唔會覺辛苦, 反而佢便秘疴唔出先辛苦, 咁我諗吓佢又講得有道理, 咁就平常心對待, 唔好覺得好大件事, 視為成長過程之一囉~

醫生講痾清Ｄ菌就OK係無錯, 荳奶唔係個個咁啱飲, 我個囝囝以前試過因 "車輪菌"住了4日醫院,大家都好辛苦 。佢玩得食得唔緊要, 俾佢飲多點水, 煲d稀粥俾佢食, 又或者食白方包都可以, bb 咁精神應該2-3日都 痊癒, 不用担心 。
還有, 留意bb 對手唔放周圍摸及放入口。

其實bb痾既時候最好係飲豆奶，但若果bb唔肯飲，而又唔係痾得好嚴重，咁飲番普通奶粉都冇問題既
而係痾既時候，最好食白粥，有小小治痾既作用，另外仲可以用米水開奶。不過最好就唔好再加其他野落粥到喇
一日4,5次真係唔算好多，如果bb肯食肯玩既，唔需要特別擔心，定時食藥，等佢痾清d菌就會冇事架喇
但若果發現bb唔肯進食，發呆、痾既次數增加，咁就要盡快帶佢睇醫生喇