用電腦睇TV既問題

你好：喺Windows 7入面有一個功能係Media Center當然係可以電腦睇TV，但係你需要有可以接收TV訊號既硬件支援先可以睇到TV，正如你所提到既高清手指就係其中之一，另外你也可以去購買一張TV卡番黎加插入電腦既擴充槽之中，然後裝完所需既驅動咁就可以睇到電視啦。至於電腦要咩條件，其實喺電腦上面睇電視已經唔係新技術啦，早在十幾年前小弟已經可以在最早期P4電腦上使用由ATI既VGA卡所附加既TV功能睇電視啦，直至今時今日已經唔需要特別既條件，不過有幾點想話俾版主參考吓：
一、首先版主當然需要有電視訊號可供接收（例如屋企既公共天線等）；如果你打算買高清手指仲要知道多一樣屋企有冇高清訊號入屋？呢點好重要，因為如果屋企暫時冇高清你買咗高清手指番黎都係用唔番。
二、由於你係使用Windows 7作業系統，所以有幾樣野另外需要留意：
1.記憶體最好要有4GB，太少記憶體喺Windows 7睇電視好易窒吓窒吓。
2.無論你購買邊種卡最緊要問清楚要支援Windows 7視窗，因為市面上大多數既TV卡同埋TV手指都未必有支援Windows 7，如果唔係買番黎Windows 7認唔到就盞搞兼用唔到。
3.如果想買高清手指仲要問多一樣係咪支援香港既電視制式（PAL-I），因為出面有D高清手指係日本制式（NTSC）甚至大陸制式(PAL-D)都有。

2010-06-16 11:20:32 補充：
你部電腦有4GB RAM CPU 2.9GHZ咁你既硬件應該冇大問題，如果你既CPU係雙核心處理器就更加好啦（睇高清台所需），仲有講少一樣野如果所買既高清手指有支援硬體顯示卡加速你最好有獨立既顯示卡而唔係一般內置既顯示就最佳啦。另外有些少購買高清手指既補充：購買時候記得仲要問吓支唔支援硬體加速（有D高清手指係需要使用你既顯示卡幫助加速） 咁睇既時候先唔會窒吓窒吓（因為吓吓靠軟體係差D既）。另外最緊要都係你所在地點已有數碼廣播而且大廈公共天線已經更新支援數碼咁就得啦。

2010-06-16 11:20:53 補充：
最後俾埋而家出得最多高清TV卡既Magic-Pro網址版主去參考吓：
http://www.magic-pro.com/product/other/ProHDTV_Extreme2.htm

2010-06-21 18:10:06 補充：
版主如覺得答案無法幫到你麻煩通知一聲，小弟自行移除解答。多謝！

當然要加硬件啦，
usb高清手指 就會食cpu資源多一點，
如果可以加tv card就最好找一張
有硬體decode的這樣cpu 可以輕鬆一點，
做其他野都快d。