網上識外國人

網上識外國人

我有個姨姨, 今年36歲, 離咗婚, 佢一年前加入咗某個交友網, 好多外國人個種。

近期見佢上網 msg 好密, 八卦下, 原來有幾個英國人 add 咗佢, 大部份係話見到佢張相, 覺佢好 pretty (其實佢係普通貨色, 唔係靚), 自我介紹好吸引, 希望同佢做朋友, 想同佢發展一段認真的關係。

阿姨初時覺無聊又好奇(因佢有自知之明)又唔覺有咩問題, 咪照傾下當解悶, 點知傾咗只係一個星期左右, 交換雙方背景, 基本認識, 過程愉快, 對方已經示愛, 佢比佢地之間傾計嘅內容我睇... ...

一個離咗婚有個12歲仔, 指好愛佢, 一心一意不變, send情信e-mail等會講好多好冧嘅情話... ...
一個死咗老婆有個9歲女, 長期係船做嘢, 指想同阿姨一齊, 覺得佢好sweet, 係佢要揾嘅女人, 等一上岸會去搵佢等... ...
一個又係死老婆有個2歲仔, 呢個含蓄D, 少講情話, 多講大家近況, 只係話阿姨自佢老婆死咗後, 第一個女人令佢好開心, 想同佢一齊, 話遲D出trip順道去揾佢... ...
一個認定佢係佢嘅女人, 指有份遺產係老豆留比佢, 避免同父異母嘅兄弟姐妹知道而搞事, 打算移交到香港比佢暫保管, 等男方來港後再作投資, 話信得過阿姨喎... ... (嘩...係咪咁筍?)

阿姨好驚訝, 佢第一次同英國人傾計, 好奇怪佢地對一個只憑睇相同msg嘅女人就可以講愛, 仲要係講到好認真同一生一世個隻, 阿姨一開始已表明做朋友關係, 但全部都冇理, 照舊話冇問題, 話感情關係可以建立, 仍會愛阿姨。

阿姨好清醒, 明白網上情緣信唔過, 都覺得佢地係呃人, 當佢地講笑揾佢攝時間, 最幣邊個女人唔鍾意甜言蜜語? 日日有人同講愛佢想同佢一齊喎~~佢好享受, 而且又好奇佢地下一步會做咩, 故仍keep住msg...佢話反正冇咩損失。

雖然對方係英國人, 同香港人文化唔同, 但我仍唔信會有人可以咁愛法, 未相處未見過面就話愛佢要係埋一齊生活? 覺得佢地係度吹水講大話, 背後最終可能係想呃錢。我都好疑惑, 好想了解, 係騙局定真係有D咁嘅英國人呢?

感情事小, 金錢事大... ...

請問各位點睇? 有冇過來人或有經驗之人可以提供意見?