樹人大學代報名問題

首先, 學校名係樹仁, 唔係樹人. 報讀學校時一定唔可以寫錯學校名. 你諗下如果你連學校名都寫錯, 人地點睇你?

頭幾日通常會較多人報名, 所以學校會派籌及派表方便處理申請. 你可以叫人幫你拎籌, 但必須出示你的AL成績單, 工作人員睇過你成績符合入學要求先會派籌及表. 你要在籌上所寫的日期及時間內交表、報名費$200及其他需要文件的正本及副本, 工作人員會在報名時即時核對所有文件, 副本會收回.