家居風水問題 - 增加男主人健康及財運

上個月收左樓，剛剛裝修完，覺得應該風水上有D問題影響到我先生既情緒，健康同財運。

單位描述：
﹣ 屋企有兩層，兩層所有窗都向北
﹣ 正門口向南, 對窗，但距離幾遠
﹣ 因為個入口位有走廊同好暗，我地O係正門後面裝左1塊波浪長形鏡，將D北位窗D光線引入南位個正門，咁日頭門口位就唔洗開燈
﹣ 開放式廚房 （背門口，向客廳及向窗），客人入左門口要經過走廊先可以見到廚房
﹣ 2樓只有1房＋偏廳
﹣ 2 樓睡房窗向北，2組門向東，個套廁向南無窗，但個浴室改成磨沙玻璃牆, 咁睡房既光線就可以引入浴室，日頭沖涼就唔洗開浴室燈
﹣ 衣帽間0係套廁入面，要經過套廁行到盡頭先去到衣帽間
﹣ 2樓睡房除有個向東既門出偏廳同落樓梯，仲有道熨門打開可望到樓下客廳，偏廳同樣有個欄杆位可望落去客廳
﹣ 床腳對住望落客廳既熨門及出偏廳既門
﹣ 個客廳就好似位於天井位，天花板有成13尺高， 客廳既窗亦有12尺高

我先生就係因為咁獨突既設計而決定買呢個單位

問題：
搬入去之後，我完全無問題，但我先生就有D改變，佢成日夜晚瞓唔好，情緒好底落，個惱轉數慢左，成日覺得自己有病，仲成日驚無左份工。佢出差心情就會好番，精神左，又可以0係酒店一覺瞓到天光，但一返到屋企心情又差番，又瞓唔好，變番無里精神坐埋一角唔講野，成日諗埋D負面野。

我地呢兩年搬過兩次屋，都係租既，一直都無咁既問題，唔知有無D風水擺法可以令我先生心情好D同令佢工作上順利D， 我地有成30年樓要供，如果無左佢份收入，都幾愁，但以佢依家既精神狀態，佢可能好快會無左份工