令男朋友番黎我身邊有冇計

有時候，相聚係一種緣份，放手或者會係一種解脫。

與其話係解脫，不如話係比雙方都有另一個選擇。

感情世界人海茫茫，要搵到一個鐘意既，其實唔難。

佢話對你冇feel，首先無論佢係唔係作緊大話，有一樣野可以肯定既就係佢已經有一個或以上既理由唔想再同你一齊。

其次，你想感動佢同補救。一段感情冇左就係冇左，即使你點努力去令佢感動，咁又點﹖就算大家系番埋一齊，我相信你地之間都會有芥蒂，係咪仲可以好似以前咁幸福快樂，你自己諗下。

你愛佢，我明，但佢愛唔愛你呢﹖一段感情既首要條件就係兩情雙悅，如果你連呢樣既條件都冇，咁又何必勉強﹖唔通你要年復一年咁對住一個唔夠愛自己既男人﹖到時，只會兩敗俱傷。

佢想要自由身，你偏要佢留系你身邊，咁你地兩個會唔會幸福﹖除非係一個願打一個願挨啦。

愛一個人最緊要係令佢幸福，佢勉強同你一齊，會唔會幸福﹖相信你都聽過「勉強冇幸福」同埋「愛一個人唔等於擁有」。可能你會覺得呢啲老土既句子用唔上，但係，有時佢地的而且確可以提醒番你一啲野，提醒番你最重要但比你遺忘左既道理。

講白啲，係叫你放手，比番佢一個幸福既權利，無謂咁自私，成全佢，可能到頭來你會仲開心。況且，可能你生命裡面仲有另一個男人係到默默咁等緊你去佢身邊。

流淚都要勇敢祝佢幸福﹗加油﹗;)

冇feel就冇得搞lu. ...長痛不如短痛啦///

冇辦法..得閒要搵d新鮮感.............男人係要刺激...如換下形象..著開長jean 變著短jean...化下個樣..唔好是是但但.......

我自己覺得, 個男仔都講左對你冇feel, 就算你係佢面前除光衫佢都吾會有feel架啦, 更可能呢個只係佢既藉口呢, 係咪? 我地做女仔既, 吾好下下抓爛塊臉先收手, 既然佢要走, 留吾到個人都留返d自尊比自己, 可能你而家真係會好傷心, 但時間會幫我地修好傷痕的, 就當呢個故事要完啦, 由它吧, 之后一定會有另一個更好的故事在等你做女主角的, 希望你可以想得通, 祝你往后快樂!

改變自己, 俾佢一個新鮮感....我可以教你[email protected]

如果你真係唔想無左佢, 咁可以暫時唔搵佢住, 過一排先再搵返佢.

佢依家可能太累, 比佢休息下啦.
不過無 feel 又真係幾難搞既~~

可能半年後, 佢又有返 feel 呢. 呢段時間你要忍下啦, 真係唔好搵佢住. 最好兩個月後先搵佢. 咁到時你搵佢又合乎情理, 咁耐無見, 佢會出來見你. 你著返件同佢熱戀果時著既衫, 勾起佢回憶. 唸下d節目同佢渡過.

你突然唔搵佢 (最好唔打電話, 唔 send msn, 好似蒸發左咁) , 當佢發現你突然唔搵佢, 可能會搵返你呢. 如果佢真係唔搵返你. 咁你過兩個月就搵下佢. 依然無feel 就一個月搵佢一次. 睇下你有無恒心啦, 既然你唔想無左佢. 咩方法都要試下架啦. 你未試過點知唔 work 呢.

總之你一唸到咩方法就試下, 試到盡. 如果真係唔掂, 就放手啦. 你努力過, 咁就得啦. 結局係點, 你都會甘心. 係咪?

“無 feel”， 是令妳舒服點的藉口 …

真相是 ： 不想再和妳一起， 悶了、 厭了 …

沒法感動他了， 妳的努力只會令他覺得妳犯賤 …

縱使妳不想失去他， 但他無意再擁有妳啊 ！

放手吧 ~

儘快把傷口治癒才是上策， 不要再糾纏在無 feel 男身上 …