幫忙解決見工難題, 千萬個ths!!!

我第一份正式嘅工係貨運公司度做左7年,之後轉左去間trading公司度做左1年,跟住就轉左係而家呢間貨運公司度做左3年, 咁啱個朋友個間貨運公司請人, 又話d福利好好, 有前途, 叫我去試下, 1st & 2nd interview 已經去完, 過左1個星期都無消息, 咁我個朋友試下咪問人事部的同事咩事囉, 點知得出黎嘅答案係覺得我interview時比人嘅表現覺得我經驗淺.
我真係好希望各位幫幫忙, 可以解決到我以下見工嘅煩惱:
(以下嘅問題人事部要我用英文回答,但我英文有限, 我盡力講英文,
但有d真係唔識講就用中文答)
1. 叫我遂份工詳細解釋一下點解要辭職轉工
我第一份工因為屋企人係大陸出左事, 我需要經常香港大陸2邊走,
咁我當時間同公司商量研究過呢個問題, 咁公司唔容許我請假或者早收工,
唯有迫於無奈辭左份工; 第二份工係同我以上件屋企事有關, 我唔可以長期唔做野,
處理個件事都需要洗錢, 咁佢可以就到我上大陸嘅時間, 係因為本身份工係要上大陸做野,
但間公司個個月出糧唔准, 有時拖成2個月先出糧, 我都捱到左件事解決左咁我先辭工;
第3份工即係而家呢份, 好明顯係想人望高處啦, 雖然底薪比而家少,
但係佢每年會加人工, 加上福利又好, 有升職機會, 長遠黎講梗係轉啦!!
我都唔知要點講先至得體, 中文都已經唔知點講, 仲要用英文?!
2. 問我點解要選擇佢地公司, 點解要in 呢個post ?
我答佢因為 "我本身想繼續間有規模嘅公司度繼續係呢一行發展,
因為做左一段幾長嘅時間, 有咁上下經驗同對處理工作有信心, 加上貴公司係大公司,
福利同管理都好, 亦有晉升機會, 對自己嘅事業前途都有幫忙"
我咁答o唔ok呀? 可能我個日講英文講到錯晒, 所以都唔知我講咩
3. 問我 work along with supervisor 會點 ?
我其實都唔係好知佢想問咩, 我心諗都係做自己野架啦, 同邊個一齊咪又係咁做?!
咁我答佢"我會按一般程序去處理手上嘅工作, 如果上司有特別嘅指示便會去冷靜耐心去
了解然後盡力去完成上司指派嘅工作或者挑戰"
我咁答啱唔啱呀?
4. what is yr career planing ?
我即刻啞晒, 我淨係話希望可以有晉升機會令我嘅career 可以上到 higher level,
接觸不同層面.
我講知自己都唔知自己講咩?! 點先算為career planing?
要點樣講先含蓄得黎又令人知你 aggressive 呢 ?
5. 詳細解釋你嘅工作經驗
每行都有每行嘅述語, 一時間真係唔知英文點講架!! 好似 "一條龍服務" 點講呢 ??
6. 介紹一下自己
其實大部要講嘅我都有講, 但係我真係好想佢請我, 比佢覺得我好有誠意! 咁點講好呢?
咁做會唔會比人覺得好多餘呀?

希望各位唔嫌煩幫我解決下啦!! ^^