✔ 最佳答案
1. 我會建議初學者由LCCI開始讀, 先對會計有好基本了解. 讀完後覺得自己對會計有興趣就繼續讀. AAT及ACCA係比較難, 而且考試費好貴. 如果你讀讀下先發現自己無興趣, 你所浪費的時間及金錢已經好多.
2. 出去搵工最基本要求係level 2合格, 有些要level 3合格. 不過, 而家好多公司請會計文員要求起碼一年工作經驗. 無經驗會幾難搵工.
3. Level 1-3個個series都有, level 4就唔係個個series都有.
4. 現時香港有不少專為會考及高考課程編寫的教科書, 讀這些書亦可準備LCCI考試. 另外, LCCI亦有出How to pass系列的應試書, 一個level一本, 商務有得買, 公共圖書館有得借.
5, 6. 睇你自己目標. 如果你係想考會計師牌, 你可以考AAT或者ACCA. AAT考完之後再考PBE, PBE合格後考QP. QP會較多人選擇. 如果你只係想做下會計文員, 雖然LCCI夠你搵工, 但而家做緊會計文員既怕會被社會淘汰, 無可避免要讀書增值自己. 而家都有一些大學畢業去見會計文員. 會計係好睇學歷及出身(係唔係Big4做過)的行業, 而且AAT及ACCA係唔容易考, 大學讀會計起碼有Exemption, 所以我建議你無論如何都要大學畢業. (補充: LCCI Level 3並沒有任何AAT卷豁免.)
7. HKIAAT: HKIAAT及Kaplan有合作出書, 一份卷一本, 考AAT就$280一本, PBE就$400一本, HKIAAT會員較平.
LCCI: 見4, $150-$185一本.
QP: HKICPA每個Module都會有CLP及歷屆試題提供, CLP已包括在Module報讀費用裡.
ACCA: 以前ACCA自己都有出書, 圖書館有得借. Kaplan都有出書, Exam kit就$258一本, Complete就五百幾一本.
8. HKIAAT: AAT 8份, PBE 4份
ACCA: 14份
LCCI: 如果講財務會計, 一個Level一份.
QP: 4個Modules, 每個module一份, 再加一份大考.